Саюзныя парламентарыі абмяркуюць заканадаўчае забеспячэнне харчовай бяспекі ў СД
 

2 кастрычніка, Масква /Эдуард Півавар - БЕЛТА/. Пасяджэнне Камісіі Парламенцкага сходу Саюза Беларусі і Расіі па аграрных пытаннях пройдзе 9 кастрычніка ў расійскім Калінінградзе. Аб гэтым паведамілі БЕЛТА ў прэс-службе сходу.

Парламентарыі абмяркуюць міжрэгіянальнае супрацоўніцтва, разгледзяць перспектыўныя напрамкі навукова-тэхнічнай і вытворчай кааперацыі ў сферы сельскай гаспадаркі, а таксама выкананне мерапрыемстваў у аграрнай сферы асноўных напрамкаў рэалізацыі палажэнняў Дагавора аб стварэнні Саюзнай дзяржавы на 2024-2026 гады.

"Плануецца абмеркаванне работы па фарміраванні прававых асноў Саюзнай дзяржавы для правядзення аграрнай палітыкі і забеспячэння харчовай бяспекі, дзейнасці па ўніфікацыі фітасанітарных норм для каранціннага кантролю тэрыторый, а таксама па вызначэнні пераліку хвароб жывёл для распрацоўкі адзіных ветэрынарных правіл", - адзначылі ў прэс-службе.

Да ўдзелу ў мерапрыемстве запрошаны прадстаўнікі Пастаяннага камітэта Саюзнай дзяржавы, Міністэрства сельскай гаспадаркі і харчавання Беларусі, Міністэрства сельскай гаспадаркі Расіі, Рассельгаснагляду і ўрада Калінінградскай вобласці.-0-