26 верасня, Мінск /Кар. БЕЛТА/. Прафіцыт рэспубліканскага бюджэту ў студзені - жніўні 2019 года склаў Br3 млрд. Такая інфармацыя размешчана на сайце Міністэрства фінансаў Беларусі, паведамляе БЕЛТА.
Даходы рэспубліканскага бюджэту склаліся на ўзроўні Br16,1 млрд, або 67,5 працэнта ўдакладненага гадавога плана. Паступленне ПДВ склала Br7,6 млрд (65,9 працэнта плана), падатку на прыбытак - Br2,3 млрд (58,1 працэнта). Акцызы паступілі ў суме Br1,8 млрд (72,2 працэнта). Даходы ад знешнеэканамічнай дзейнасці склалі Br3,1 млрд (71,4 працэнта).
Расходы рэспубліканскага бюджэту склалі Br13,1 млрд (58,6 працэнта ўдакладненага гадавога плана).
На агульнадзяржаўную дзейнасць накіравана Br5,1 млрд (52,2 працэнта), на фінансаванне нацыянальнай эканомікі - Br3,4 млрд (63,8 працэнта), на фінансаванне сацыяльнай сферы (сацыяльная палітыка, адукацыя, ахова здароўя, фізічная культура, спорт, культура і сродкі масавай інфармацыі) - Br10,1 млрд (61,7 працэнта).
Прафіцыт бюджэту сектара дзяржкіравання склаўся ў суме Br4,2 млрд. Даходы склалі Br35,8 млрд, або 68,5 працэнта ўдакладненага гадавога плана, расходы бюджэту сектара дзяржкіравання - Br31,6 млрд (62,1 працэнта).
Прафіцыт бюджэту Фонду сацыяльнай абароны насельніцтва склаўся на ўзроўні Br0,2 млрд, Фонду ўніверсальнага абслугоўвання - Br25,6 млн. Прафіцыт Фонду грамадзянскай авіяцыі склаў Br11,2 млн, Фонду Дэпартамента выканання пакаранняў - Br0,2 млн.
Па стане на 1 верасня запазычанасць па падатках і зборах склала Br143,3 млн.-0-
