Фота з архіва
5 снежня, Масква /Эдуард Півавар - БЕЛТА/. Пасяджэнне Савета Еўразійскай эканамічнай камісіі (ЕЭК) адбудзецца 5 снежня ў Маскве. Яно пройдзе пад старшынствам намесніка прэм'ер-міністра Беларусі Наталлі Пяткевіч, якая перад пасяджэннем расказала журналістам, якія пытанні будуць разгледжаны на ўзроўні віцэ-прэм'ераў краін Еўразійскага эканамічнага саюза (ЕАЭС), перадае карэспандэнт БЕЛТА.
Наталля Пяткевіч акцэнтавала, што сённяшняе пасяджэнне Савета ЕЭК мае насычаны парадак дня, паколькі праходзіць напярэдадні Еўразійскага міжурадавага савета і Вышэйшага Еўразійскага эканамічнага савета. "Таму нам неабходна даволі аператыўна падрыхтаваць усе пытанні на разгляд і кіраўнікоў урадаў, і кіраўнікоў дзяржаў. Шэраг пытанняў, па якіх мы не дасягаем кансэнсусу, будуць перададзены на вышэйшы ўзровень", - сказала яна.
Паводле слоў віцэ-прэм'ера, блок пытанняў на Савеце ЕЭК будзе прысвечаны рэалізацыі стратэгіі развіцця еўразійскай эканамічнай інтэграцыі да 2025 года. "У нас засталіся яшчэ, на жаль, незавершаныя пытанні, і мы спрабуем знайсці кансэнсус. Шэраг (пунктаў стратэгіі. - Заўвага БЕЛТА) у нас не будзе выкананы па аб'ектыўных патрабаваннях. Нешта, скажам так, па суб'ектыўных, таму што мы не прыйшлі да згоды, разумеем, што пакуль мы не гатовы на такую вельмі цесную інтэграцыю. Але гэты год мы павінны завяршыць з больш-менш нядрэннымі вынікамі", - канстатавала яна.
"Мы павінны дакладна разумець, што ў адрозненне, дапусцім, ад СНД (гэта ўнікальная ўніверсальная пляцоўка, паколькі ў Садружнасці супрацоўніцтва ідзе па ўсіх напрамках: эканамічнае, палітычнае, сацыяльна-гуманітарнае, ваеннае), ЕАЭС - гэта эканамічная пляцоўка, але правілы, якія прымаюцца ў рамках ЕАЭС, маюць абавязковы характар, - растлумачыла віцэ-прэм'ер. - Мы функцыянуем у рэжымах адзінага рынку, і таму мы на пяць дзяржаў спрабуем выпрацаваць адзіныя, абавязковыя для нас правілы гульні. Вядома, гэта даволі складана, таму і прыняць правілы, і зрабіць нейкія адступленні пры неабходнасці, мы павінны кансэнсусам, аднагалосна. Таму, зыходзячы з такой няпростай формулы, і розных умоў гаспадарання, і рознага ўзроўню развіцця эканомікі, я лічу, што мы падыходзім з даволі добрымі вынікамі па выкананні стратэгіі пяцігодкі".
"Наступны блок пытанняў, па якіх мы павінны, мабыць, сёння ўжо да нейкіх высноў прыйсці, - гэта план рэалізацыі дэкларацыі на наступную пяцігодку. У нас таксама яшчэ засталіся неўрэгуляваныя пытанні, але іх становіцца ўсё менш і менш, гэта станоўча", - канстатавала Наталля Пяткевіч.
Паводле яе слоў, вялікі блок пытанняў на Савеце ЕЭК будзе датычыцца адзінай мытнай прасторы, маркіроўкі тавараў. "Асобная тэма, якая хвалюе ўсіх, - гэта пытанне, звязанае з харчовай бяспекай і па пастаўках асобных груп тавараў", - удакладніла Наталля Пяткевіч.
"Таму работа чакаецца даволі напружаная, але галоўнае, што ўсе поўныя рашучасці рухацца наперад", - падкрэсліла віцэ-прэм'ер Беларусі.-0-
Наталля Пяткевіч акцэнтавала, што сённяшняе пасяджэнне Савета ЕЭК мае насычаны парадак дня, паколькі праходзіць напярэдадні Еўразійскага міжурадавага савета і Вышэйшага Еўразійскага эканамічнага савета. "Таму нам неабходна даволі аператыўна падрыхтаваць усе пытанні на разгляд і кіраўнікоў урадаў, і кіраўнікоў дзяржаў. Шэраг пытанняў, па якіх мы не дасягаем кансэнсусу, будуць перададзены на вышэйшы ўзровень", - сказала яна.
Паводле слоў віцэ-прэм'ера, блок пытанняў на Савеце ЕЭК будзе прысвечаны рэалізацыі стратэгіі развіцця еўразійскай эканамічнай інтэграцыі да 2025 года. "У нас засталіся яшчэ, на жаль, незавершаныя пытанні, і мы спрабуем знайсці кансэнсус. Шэраг (пунктаў стратэгіі. - Заўвага БЕЛТА) у нас не будзе выкананы па аб'ектыўных патрабаваннях. Нешта, скажам так, па суб'ектыўных, таму што мы не прыйшлі да згоды, разумеем, што пакуль мы не гатовы на такую вельмі цесную інтэграцыю. Але гэты год мы павінны завяршыць з больш-менш нядрэннымі вынікамі", - канстатавала яна.
"Мы павінны дакладна разумець, што ў адрозненне, дапусцім, ад СНД (гэта ўнікальная ўніверсальная пляцоўка, паколькі ў Садружнасці супрацоўніцтва ідзе па ўсіх напрамках: эканамічнае, палітычнае, сацыяльна-гуманітарнае, ваеннае), ЕАЭС - гэта эканамічная пляцоўка, але правілы, якія прымаюцца ў рамках ЕАЭС, маюць абавязковы характар, - растлумачыла віцэ-прэм'ер. - Мы функцыянуем у рэжымах адзінага рынку, і таму мы на пяць дзяржаў спрабуем выпрацаваць адзіныя, абавязковыя для нас правілы гульні. Вядома, гэта даволі складана, таму і прыняць правілы, і зрабіць нейкія адступленні пры неабходнасці, мы павінны кансэнсусам, аднагалосна. Таму, зыходзячы з такой няпростай формулы, і розных умоў гаспадарання, і рознага ўзроўню развіцця эканомікі, я лічу, што мы падыходзім з даволі добрымі вынікамі па выкананні стратэгіі пяцігодкі".
"Наступны блок пытанняў, па якіх мы павінны, мабыць, сёння ўжо да нейкіх высноў прыйсці, - гэта план рэалізацыі дэкларацыі на наступную пяцігодку. У нас таксама яшчэ засталіся неўрэгуляваныя пытанні, але іх становіцца ўсё менш і менш, гэта станоўча", - канстатавала Наталля Пяткевіч.
Паводле яе слоў, вялікі блок пытанняў на Савеце ЕЭК будзе датычыцца адзінай мытнай прасторы, маркіроўкі тавараў. "Асобная тэма, якая хвалюе ўсіх, - гэта пытанне, звязанае з харчовай бяспекай і па пастаўках асобных груп тавараў", - удакладніла Наталля Пяткевіч.
"Таму работа чакаецца даволі напружаная, але галоўнае, што ўсе поўныя рашучасці рухацца наперад", - падкрэсліла віцэ-прэм'ер Беларусі.-0-
Падпісвайцеся на нас у
