Фота з архіва
Навіны сюжэта
"Беларуская АЭС найноўшага пакалення 3+"
14 студзеня, Мінск /Кар. БЕЛТА/. Першы энергаблок Беларускай АЭС 15 студзеня 2026 года будзе выведзены ў планава-папераджальны рамонт у адпаведнасці з зацверджаным графікам работ, паведамілі БЕЛТА ў прэс-службе Міністэрства энергетыкі.
"У бягучым годзе планавы рамонт першага энергаблока пачнецца практычна адразу пасля ўключэння ў сетку пасля завяршэння планавага рамонту другога энергаблока і вываду яго на намінальную магутнасць. Гэты падыход забяспечыць эфектыўны графік работ рамонтнага персаналу, правядзенне неабходных тэхналагічных аперацый ва ўстаноўленыя рэгламентам тэрміны", - адзначылі ў прэс-службе.
Адным з ключавых этапаў работ стане перагрузка ядзернага паліва ў актыўнай зоне рэактара - заменяць частку адпрацаваных цеплавыдзяляльных зборак. У ходзе планава-папераджальнага рамонту першага энергаблока будзе выканана дыягностыка і тэхнічнае абслугоўванне больш як 10 тыс. адзінак тэхналагічных сістэм і абсталявання - рэактарнага, турбіннага, электратэхнічнага, вентыляцыйнага, устройстваў аўтаматыкі і вымярэнняў. Акрамя таго, будзе ажыццёўлены эксплуатацыйны кантроль металу і зварных злучэнняў.
Планава-папераджальныя рамонты на кожным энергаблоку Беларускай АЭС праводзяцца раз у год для забеспячэння надзейнай работы і падтрымання асноўных тэхнічных характарыстык тэхналагічных сістэм і абсталявання. Планавыя рамонты на атамных станцыях - агульнасусветная практыка. Іх працягласць можа адрознівацца ў залежнасці ад аб'ёмаў і складанасці выкананых работ.
Першы энергаблок Беларускай АЭС быў уведзены ў прамысловую эксплуатацыю 10 чэрвеня 2021 года, сумарна ім выпрацавана больш за 37 млрд кВт.гадз электраэнергіі.-0-
"У бягучым годзе планавы рамонт першага энергаблока пачнецца практычна адразу пасля ўключэння ў сетку пасля завяршэння планавага рамонту другога энергаблока і вываду яго на намінальную магутнасць. Гэты падыход забяспечыць эфектыўны графік работ рамонтнага персаналу, правядзенне неабходных тэхналагічных аперацый ва ўстаноўленыя рэгламентам тэрміны", - адзначылі ў прэс-службе.
Адным з ключавых этапаў работ стане перагрузка ядзернага паліва ў актыўнай зоне рэактара - заменяць частку адпрацаваных цеплавыдзяляльных зборак. У ходзе планава-папераджальнага рамонту першага энергаблока будзе выканана дыягностыка і тэхнічнае абслугоўванне больш як 10 тыс. адзінак тэхналагічных сістэм і абсталявання - рэактарнага, турбіннага, электратэхнічнага, вентыляцыйнага, устройстваў аўтаматыкі і вымярэнняў. Акрамя таго, будзе ажыццёўлены эксплуатацыйны кантроль металу і зварных злучэнняў.
Планава-папераджальныя рамонты на кожным энергаблоку Беларускай АЭС праводзяцца раз у год для забеспячэння надзейнай работы і падтрымання асноўных тэхнічных характарыстык тэхналагічных сістэм і абсталявання. Планавыя рамонты на атамных станцыях - агульнасусветная практыка. Іх працягласць можа адрознівацца ў залежнасці ад аб'ёмаў і складанасці выкананых работ.
Першы энергаблок Беларускай АЭС быў уведзены ў прамысловую эксплуатацыю 10 чэрвеня 2021 года, сумарна ім выпрацавана больш за 37 млрд кВт.гадз электраэнергіі.-0-
Падпісвайцеся на нас у
