13 снежня, Масква /Эдуард Півавар - БЕЛТА/. На пасяджэнні Еўразійскага міжурадавага савета 13 снежня ў Маскве кіраўнікі ўрадаў краін Еўразійскага эканамічнага саюза абмеркавалі ход рэалізацыі механізма аказання фінансавага садзейнічання сумесным кааперацыйным праектам у прамысловасці, паведамілі БЕЛТА ў прэс-службе Еўразійскай эканамічнай камісіі (ЕЭК).
У чэрвені 2024 года ўступіў у сілу пратакол аб унясенні змяненняў у Дагавор аб ЕАЭС у частцы аказання фінансавага садзейнічання кааперацыйным праектам. Еўразійская эканамічная камісія атрымала паўнамоцтвы аказваць такую падтрымку. Заяўкі на разгляд праектаў у ЕЭК падаюць упаўнаважаныя нацыянальныя банкі і Еўразійскі банк развіцця. Яны ж з'яўляюцца сувязным звяном з бізнесам пры рэалізацыі заявак.
"Цяпер ЕЭК разглядае тры кааперацыйныя праекты. У іх удзельнічаюць Беларусь, Казахстан і Расія. Праекты ахопліваюць такія галіны, як хімічная прамысловасць, сельскагаспадарчае і чыгуначнае машынабудаванне. Першыя заяўкі, якія паступілі ў ЕЭК, плануецца разгледзець ва ўстаноўленым парадку ў органах саюза да канца гэтага года", - адзначылі ў прэс-службе.
"Паўгадавая практыка работы камісіі па рэалізацыі новага механізма выявіла неабходнасць карэкціроўкі шэрага норм палажэння аб адборы сумесных кааперацыйных праектаў у галінах прамысловасці. Частка прапаноў па ўдасканаленні дакумента паступіла ад прадстаўнікоў бізнесу", - дадалі ў прэс-службе.-0-
У чэрвені 2024 года ўступіў у сілу пратакол аб унясенні змяненняў у Дагавор аб ЕАЭС у частцы аказання фінансавага садзейнічання кааперацыйным праектам. Еўразійская эканамічная камісія атрымала паўнамоцтвы аказваць такую падтрымку. Заяўкі на разгляд праектаў у ЕЭК падаюць упаўнаважаныя нацыянальныя банкі і Еўразійскі банк развіцця. Яны ж з'яўляюцца сувязным звяном з бізнесам пры рэалізацыі заявак.
"Цяпер ЕЭК разглядае тры кааперацыйныя праекты. У іх удзельнічаюць Беларусь, Казахстан і Расія. Праекты ахопліваюць такія галіны, як хімічная прамысловасць, сельскагаспадарчае і чыгуначнае машынабудаванне. Першыя заяўкі, якія паступілі ў ЕЭК, плануецца разгледзець ва ўстаноўленым парадку ў органах саюза да канца гэтага года", - адзначылі ў прэс-службе.
"Паўгадавая практыка работы камісіі па рэалізацыі новага механізма выявіла неабходнасць карэкціроўкі шэрага норм палажэння аб адборы сумесных кааперацыйных праектаў у галінах прамысловасці. Частка прапаноў па ўдасканаленні дакумента паступіла ад прадстаўнікоў бізнесу", - дадалі ў прэс-службе.-0-
Падпісвайцеся на нас у
