Фота з архіва
27 кастрычніка, Мінск /Кар. БЕЛТА/. Міністэрства сельскай гаспадаркі і харчавання для зніжэння падзяжу буйной рагатай жывёлы робіць стаўку на прафілактыку хвароб, мадэрнізацыю інфраструктуры і ўзмацненне адказнасці на ўсіх узроўнях кіравання. Якія меры даюць рэальныя вынікі, расказаў карэспандэнту БЕЛТА намеснік міністра сельскай гаспадаркі і харчавання - дырэктар Дэпартамента ветэрынарнага і харчовага нагляду Іван Смільгінь.
Сітуацыя ў жывёлагадоўлі стала адной з асноўных тэм нарады ў Віцебску 24 кастрычніка.
Іван Смільгінь адзначыў, што Мінсельгасхарч паслядоўна рэалізуе комплексны падыход да зніжэння падзяжу. Ужо сёння дзейнічаюць канкрэтныя механізмы, накіраваныя на паляпшэнне ўмоў утрымання і ветэрынарнага суправаджэння жывёл. Уведзена практыка персанальнай адказнасці старшынь раённых выканаўчых камітэтаў за работу сельгасарганізацый з найбольшымі стратамі, што стымулюе аператыўнае рэагаванне на праблемныя сітуацыі.
"Асаблівая ўвага ўдзяляецца ўмацаванню кадравага і нарматыўнага забеспячэння ветэрынарнай службы. Зацверджаны новыя правілы экстраннага забою БРЖ, павышаны надбаўкі за спецыфіку работы ветэрынарных спецыялістаў у залежнасці ад месца і спектра абавязкаў спецыяліста, а таксама распрацоўваецца ўказ, які пашырыць паўнамоцтвы галоўнага дзяржаўнага ветэрынарнага кантролю і галоўных дзяржветінспектараў абласцей па кантролі за выкананнем ветэрынарна-санітарных норм", - расказаў Іван Смільгінь.
Для захавання маладняку ўкаранёны эфектыўны інструмент - мэтанакіраванае перамяшчэнне цялят у гаспадаркі з лепшымі ўмовамі кармлення і ўтрымання. За дзевяць месяцаў 2025 года такім чынам перамешчана больш за 44 тыс. галоў.
"Навуковае суправаджэнне таксама адыгрывае ключавую ролю: сумесна з НАН Беларусі і Віцебскай акадэміяй ветэрынарнай медыцыны праводзяцца лабараторныя даследаванні, якія выяўляюць прычыны выбыцця дойнага статка. Атрыманыя даныя даюць магчымасць карэкціраваць рацыёны і паляпшаць тэхналогіі кармлення, асабліва ў крытычна важны запускны перыяд", - дадаў намеснік міністра.
Паралельна ідзе маштабная мадэрнізацыя інфраструктуры: будуюцца і рэканструююцца малочныя комплексы, прафілакторыі для цялят (у 2024 годзе - 285 аб'ектаў), сіласна-сянажныя траншэі. Сёння 75 працэнтаў кароў утрымліваюцца на 1,7 тыс. сучасных малочнатаварных комплексаў, дзе атрымліваюць 80 працэнтаў усяго малака ў краіне.
"Усе гэтыя меры знаходзяцца на пастаянным кантролі Мінсельгасхарча і аблвыканкамаў, што забяспечвае ўстойлівы трэнд на зніжэнне страт і павышэнне эфектыўнасці жывёлагадоўлі", - падкрэсліў Іван Смільгінь.-0-
Сітуацыя ў жывёлагадоўлі стала адной з асноўных тэм нарады ў Віцебску 24 кастрычніка.
Іван Смільгінь адзначыў, што Мінсельгасхарч паслядоўна рэалізуе комплексны падыход да зніжэння падзяжу. Ужо сёння дзейнічаюць канкрэтныя механізмы, накіраваныя на паляпшэнне ўмоў утрымання і ветэрынарнага суправаджэння жывёл. Уведзена практыка персанальнай адказнасці старшынь раённых выканаўчых камітэтаў за работу сельгасарганізацый з найбольшымі стратамі, што стымулюе аператыўнае рэагаванне на праблемныя сітуацыі.
"Асаблівая ўвага ўдзяляецца ўмацаванню кадравага і нарматыўнага забеспячэння ветэрынарнай службы. Зацверджаны новыя правілы экстраннага забою БРЖ, павышаны надбаўкі за спецыфіку работы ветэрынарных спецыялістаў у залежнасці ад месца і спектра абавязкаў спецыяліста, а таксама распрацоўваецца ўказ, які пашырыць паўнамоцтвы галоўнага дзяржаўнага ветэрынарнага кантролю і галоўных дзяржветінспектараў абласцей па кантролі за выкананнем ветэрынарна-санітарных норм", - расказаў Іван Смільгінь.
Для захавання маладняку ўкаранёны эфектыўны інструмент - мэтанакіраванае перамяшчэнне цялят у гаспадаркі з лепшымі ўмовамі кармлення і ўтрымання. За дзевяць месяцаў 2025 года такім чынам перамешчана больш за 44 тыс. галоў.
"Навуковае суправаджэнне таксама адыгрывае ключавую ролю: сумесна з НАН Беларусі і Віцебскай акадэміяй ветэрынарнай медыцыны праводзяцца лабараторныя даследаванні, якія выяўляюць прычыны выбыцця дойнага статка. Атрыманыя даныя даюць магчымасць карэкціраваць рацыёны і паляпшаць тэхналогіі кармлення, асабліва ў крытычна важны запускны перыяд", - дадаў намеснік міністра.
Паралельна ідзе маштабная мадэрнізацыя інфраструктуры: будуюцца і рэканструююцца малочныя комплексы, прафілакторыі для цялят (у 2024 годзе - 285 аб'ектаў), сіласна-сянажныя траншэі. Сёння 75 працэнтаў кароў утрымліваюцца на 1,7 тыс. сучасных малочнатаварных комплексаў, дзе атрымліваюць 80 працэнтаў усяго малака ў краіне.
"Усе гэтыя меры знаходзяцца на пастаянным кантролі Мінсельгасхарча і аблвыканкамаў, што забяспечвае ўстойлівы трэнд на зніжэнне страт і павышэнне эфектыўнасці жывёлагадоўлі", - падкрэсліў Іван Смільгінь.-0-
Падпісвайцеся на нас у
