19 студзеня, Мінск /Кар. БЕЛТА/. Нацыянальны банк устанавіў працэнтныя стаўкі па аперацыях рэгулявання ліквіднасці, паведамілі БЕЛТА ў Нацбанку.
Працэнтныя стаўкі па пастаянна даступных аперацыях падтрымкі ліквіднасці (крэдыт авернайт, СВОП авернайт) і двухбаковых аперацыях падтрымкі ліквіднасці (ламбардныя крэдыты па фіксаванай стаўцы і здзелкі СВОП) устаноўлены ў памеры 12,5 працэнта гадавых, па пастаянна даступных аперацыях выключэння ліквіднасці (дэпазіты па фіксаванай працэнтнай стаўцы) - у памеры 10,5 працэнта гадавых.
Страціўшай сілу прызнана пастанова праўлення Нацыянальнага банка ад 28 лютага 2022 года нумар 96 "Аб працэнтных стаўках па аперацыях рэгулявання ліквіднасці".
Дакумент уступае ў сілу з 23 студзеня 2023 года.-0-
