25 верасня, Мінск /Кар. БЕЛТА/. На "ІНАПРАМ. Беларусь" зарэгістравалася амаль 7 тыс. удзельнікаў і наведвальнікаў з 22 краін. Аб гэтым расказаў старшыня Беларускай гандлёва-прамысловай палаты Міхаіл Мятлікаў на прэс-канферэнцыі, перадае карэспандэнт БЕЛТА.
Ад Беларусі на выстаўцы будзе прадстаўлена 70 стэндаў, у тым ліку калектыўныя экспазіцыі, дзе прадукцыю прэзентуюць амаль 200 айчынных прадпрыемстваў. Усяго каля 500 арганізацый пакажуць сваю прадукцыю і навінкі. Удзельнікамі экспазіцыі з'яўляюцца прадпрыемствы ведамаснай прыналежнасці - Міністэрства прамысловасці, Міністэрства энергетыкі, Міністэрства адукацыі, Акадэміі навук і Дзяржаўнага камітэта па навуцы і тэхналогіях, "Белнафтахіма", "Беллегпрама", рэзідэнты тэхнапаркаў, свабодных эканамічных зон, прыватныя кампаніі. Беларуская экспазіцыя займае цэлых 6 тыс. кв.м унутры і амаль 3 тыс. кв.м вулічнай пляцоўкі.
"Будуць прадстаўлены такія галіны, як машынабудаванне, прамысловыя і IT-тэхналогіі, металургія і матэрыялы, аўтаматызацыя вытворчасці, хімічная прамысловасць, паслугі ў галіне прамысловасці. Ужо на сённяшні дзень зарэгістравалася амаль 7 тыс. удзельнікаў і наведвальнікаў з 22 краін свету. Мы чакаем вялікую, сапраўды, колькасць гасцей і наведвальнікаў выстаўкі", - падкрэсліў Міхаіл Мятлікаў, дадаўшы, што гэтыя лічбы яшчэ не канчатковыя. Усяго чакаецца 10 тысяч удзельнікаў і наведвальнікаў.
Пададзены заяўкі на падпісанне на палях выстаўкі каля 20 кантрактаў. Акрэдытаваны 250 журналістаў з розных краін.
Мінск рыхтуецца да прыёму вялікіх дэлегацый. Наведвальнікам будзе прапанавана некалькі маршрутаў. У выставачным цэнтры арганізуюць харчаванне, у тым ліку фуд-тракі на вуліцы. Будуць прадавацца сувеніры.-0-
Ад Беларусі на выстаўцы будзе прадстаўлена 70 стэндаў, у тым ліку калектыўныя экспазіцыі, дзе прадукцыю прэзентуюць амаль 200 айчынных прадпрыемстваў. Усяго каля 500 арганізацый пакажуць сваю прадукцыю і навінкі. Удзельнікамі экспазіцыі з'яўляюцца прадпрыемствы ведамаснай прыналежнасці - Міністэрства прамысловасці, Міністэрства энергетыкі, Міністэрства адукацыі, Акадэміі навук і Дзяржаўнага камітэта па навуцы і тэхналогіях, "Белнафтахіма", "Беллегпрама", рэзідэнты тэхнапаркаў, свабодных эканамічных зон, прыватныя кампаніі. Беларуская экспазіцыя займае цэлых 6 тыс. кв.м унутры і амаль 3 тыс. кв.м вулічнай пляцоўкі.
"Будуць прадстаўлены такія галіны, як машынабудаванне, прамысловыя і IT-тэхналогіі, металургія і матэрыялы, аўтаматызацыя вытворчасці, хімічная прамысловасць, паслугі ў галіне прамысловасці. Ужо на сённяшні дзень зарэгістравалася амаль 7 тыс. удзельнікаў і наведвальнікаў з 22 краін свету. Мы чакаем вялікую, сапраўды, колькасць гасцей і наведвальнікаў выстаўкі", - падкрэсліў Міхаіл Мятлікаў, дадаўшы, што гэтыя лічбы яшчэ не канчатковыя. Усяго чакаецца 10 тысяч удзельнікаў і наведвальнікаў.
Пададзены заяўкі на падпісанне на палях выстаўкі каля 20 кантрактаў. Акрэдытаваны 250 журналістаў з розных краін.
Мінск рыхтуецца да прыёму вялікіх дэлегацый. Наведвальнікам будзе прапанавана некалькі маршрутаў. У выставачным цэнтры арганізуюць харчаванне, у тым ліку фуд-тракі на вуліцы. Будуць прадавацца сувеніры.-0-
Падпісвайцеся на нас у
