15 мая, Мінск /Кар. БЕЛТА/. Міністэрства па падатках і зборах нагадвае фізічным асобам аб неабходнасці выплаты падаходнага падатку да 1 чэрвеня, паведамляе БЕЛТА са спасылкай на сайт МПЗ.
Размова ідзе аб падаходным падатку за 2019 год, які налічаны на падставе прадстаўленых падатковых дэкларацый па падаходным падатку.
У МПЗ нагадалі, што магчыма безнаяўная аплата падатку з дапамогай АРІП, інтэрнэт- або мабільнага банкінгу. Наяўнымі выплаціць яго можна праз банк, падатковы орган, пасялковы, сельскі выканаўчы або распарадчы орган або ў аддзяленні пошты.-0-