Фота з архіва
11 жніўня, Мінск /Кар. БЕЛТА/. Вопыт беларускіх вучоных дазваляе аператыўна праводзіць імпартазамяшчэнне ва ўмовах санкцый. Аб гэтым заявіў старшыня Прэзідыума Нацыянальнай акадэміі навук Уладзімір Каранік у інтэрв'ю тэлеканалу "Першы інфармацыйны", паведамляе БЕЛТА.
"Нягледзячы на абмежаванні па пастаўках запасных частак, камплектуючых, уключэнне нашых вядучых заводаў у санкцыйны спіс, ні на адным прадпрыемстве канвеер не спыніўся. Аператыўна праводзілася імпартазамяшчэнне, замена камплектуючых, выкарыстоўваўся вопыт айчынных вучоных, каб максімальна хутка зрабіць адсутныя элементы для забеспячэння ўстойлівасці тэхналагічнага працэсу. Машынабудаванне апынулася ў такой сітуацыі, калі рашэнні трэба было прымаць хутка і эфектыўна. Над гэтым працавалі канструктарскія бюро нашых заводаў-флагманаў, Міністэрства прамысловасці, навуковыя інстытуты. І гэта работа пад кантролем урада і кіраўніка дзяржавы была паспяховай. Цяпер знойдзены новыя партнёры, але работа па павышэнні лакалізацыі прадаўжаецца, яна не спынілася, таму што мы разумеем, што ў нашым неспакойным свеце заўсёды трэба мець запасныя варыянты", - сказаў Уладзімір Каранік.
Традыцыйна праводзіцца работа ў галіне фармацэўтыкі. "Даручэнне кіраўніка дзяржавы - забяспечыць лекавую незалежнасць, бяспеку нашай краіны. Мы пакрыху падыходзім да новага класа прэпаратаў. Гэта не толькі таблеткі альбо стандартная хіміятэрапія, але і элементы імунатэрапіі. Біятэхналогіі павінны развівацца для забеспячэння тэхналагічнага суверэнітэту, яны патрэбны не толькі медыкам, але і ў сельскай гаспадарцы", - адзначыў старшыня Прэзідыума НАН.
"У сферы будаўніцтва пачалі больш выкарыстоўваць айчынныя матэрыялы. У перапрацоўчай прамысловасці перайшлі на свае кампаненты, і якасць ад гэтага, па-мойму, абсалютна не пагоршылася, а па многіх напрамках нават і палепшылася", - звярнуў увагу Уладзімір Каранік.-0-
"Нягледзячы на абмежаванні па пастаўках запасных частак, камплектуючых, уключэнне нашых вядучых заводаў у санкцыйны спіс, ні на адным прадпрыемстве канвеер не спыніўся. Аператыўна праводзілася імпартазамяшчэнне, замена камплектуючых, выкарыстоўваўся вопыт айчынных вучоных, каб максімальна хутка зрабіць адсутныя элементы для забеспячэння ўстойлівасці тэхналагічнага працэсу. Машынабудаванне апынулася ў такой сітуацыі, калі рашэнні трэба было прымаць хутка і эфектыўна. Над гэтым працавалі канструктарскія бюро нашых заводаў-флагманаў, Міністэрства прамысловасці, навуковыя інстытуты. І гэта работа пад кантролем урада і кіраўніка дзяржавы была паспяховай. Цяпер знойдзены новыя партнёры, але работа па павышэнні лакалізацыі прадаўжаецца, яна не спынілася, таму што мы разумеем, што ў нашым неспакойным свеце заўсёды трэба мець запасныя варыянты", - сказаў Уладзімір Каранік.
Традыцыйна праводзіцца работа ў галіне фармацэўтыкі. "Даручэнне кіраўніка дзяржавы - забяспечыць лекавую незалежнасць, бяспеку нашай краіны. Мы пакрыху падыходзім да новага класа прэпаратаў. Гэта не толькі таблеткі альбо стандартная хіміятэрапія, але і элементы імунатэрапіі. Біятэхналогіі павінны развівацца для забеспячэння тэхналагічнага суверэнітэту, яны патрэбны не толькі медыкам, але і ў сельскай гаспадарцы", - адзначыў старшыня Прэзідыума НАН.
"У сферы будаўніцтва пачалі больш выкарыстоўваць айчынныя матэрыялы. У перапрацоўчай прамысловасці перайшлі на свае кампаненты, і якасць ад гэтага, па-мойму, абсалютна не пагоршылася, а па многіх напрамках нават і палепшылася", - звярнуў увагу Уладзімір Каранік.-0-
Падпісвайцеся на нас у
