ДЗЯРЖОРГАНЫДЗЯРЖОРГАНЫ
Пятніца, 4 снежня 2020
Мінск Суцэльная воблачнасць 0°C
Усе навіны
Усе навіны
Эканоміка
28 кастрычніка 2020, 15:27

Глазьеў: Беларусь - лакаматыў еўразійскай інтэграцыі

Фота з архіва
Фота з архіва

28 кастрычніка, Масква /Эдуард Півавар - БЕЛТА/. Беларусь з'яўляецца лакаматывам еўразійскай інтэграцыі. Такое меркаванне выказаў сёння журналістам член Калегіі (міністр) па інтэграцыі і макраэканоміцы Еўразійскай эканамічнай камісіі Сяргей Глазьеў у кулуарах дзелавога форуму ЕАЭС "Інтэграцыя: стратэгія апераджальнага развіцця", перадае карэспандэнт БЕЛТА.

"Аналіз, які мы праводзім, сведчыць аб тым, што Беларусь вельмі эфектыўна працуе ў адзінай эканамічнай прасторы, - сказаў Сяргей Глазьеў. - Беларусь сёння найбольш актыўны ўдзельнік усіх інтэграцыйных працэсаў. Беларусь - адзіная дзяржава з членаў Еўразійскага эканамічнага саюза, для якой узаемны гандаль у ЕАЭС мае большае значэнне, чым знешні гандаль з трэцімі краінамі. Таму Беларусь на сёння лакаматыў еўразійскай эканамічнай інтэграцыі, і беларуская прамысловасць настолькі інтэгравана ў агульны рынак, што мы будуем сумесную будучыню цалкам арганічна".

Міністр ЕЭК таксама адзначыў, што Беларусь і Расія яшчэ ў Саюзнай дзяржаве ўстаранілі мытныя граніцы і пагранічны кантроль, які ажыццяўляецца ў выключных выпадках. "Мы стварылі агульную эканамічную прастору, агульную гуманітарную прастору, у нас людзі могуць свабодна ездзіць, хоць пандэмічныя абмежаванні і перашкаджаюць, але яны перашкаджаюць цяпер перамяшчэнню людзей унутры любой з дзяржаў, значыць гэта не звязана з граніцай - гэта звязана з санітарна-эпідэміялагічнай абстаноўкай. Думаю, што ў агляднай будучыні ўсе такія абмежаванні будуць зняты і мы вернемся да нармальнага жыцця", - падкрэсліў Сяргей Глазьеў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі