Сцяг Аўторак, 19 сакавіка 2024
Усе навіны
Усе навіны
Эканоміка
20 мая 2022, 16:28

Галоўчанка: разам мы справімся з цяжкасцямі і захаваем стваральны парадак дня ў Садружнасці

20 мая, Мінск /Кар. БЕЛТА/. Разам краіны СНД змогуць не толькі справіцца з бягучымі цяжкасцямі, але і захаваць стваральны парадак дня ў Садружнасці. Такое меркаванне выказаў прэм'ер-міністр Беларусі Раман Галоўчанка на чарговым пасяджэнні Савета кіраўнікоў урадаў Садружнасці Незалежных Дзяржаў, якое праходзіць сёння ў фармаце відэа-канферэнц-сувязі, перадае карэспандэнт БЕЛТА.

"Сёння мы перажываем адзін з найбольш складаных перыядаў развіцця СНД. Сітуацыя вакол Беларусі і Расіі няпростая. Захад, спрабуючы падарваць асновы нашых эканомік, як на канвееры штампуе новыя і новыя пакеты беспрэцэдэнтных і нелегітымных з пункту гледжання міжнароднага права санкцый. Іх наступствы, на жаль, уплываюць на ўсе дзяржавы СНД. Ускладняецца кааперацыйнае ўзаемадзеянне, парушаюцца грашова-фінансавыя патокі, узнікаюць цяжкасці з рэалізацыяй, транспартам і сэрвісным абслугоўваннем прадукцыі", - расказаў Раман Галоўчанка.

Ён адзначыў, што для процідзеяння незаконным абмежаванням актыўна прымяняюцца ахоўныя меры на нацыянальным узроўні і ва ўсіх інтэграцыйных фарматах. Найбольш актыўна гэта работа праводзіцца ў Саюзнай дзяржаве і інтэграцыйнай "пяцёрцы". На пляцоўцы Садружнасці па ініцыятыве Беларусі ў сакавіку створана рабочая група для маніторынгу эканамічнай сітуацыі ў краінах і падрыхтоўкі прапаноў па магчымых сумесных мерах рэагавання на праблемы, якія ўзнікаюць.

"Спадзяюся, што ў бліжэйшы час работа па процідзеянні санкцыйнай палітыцы дасць значны вынік з мэтай недапушчэння зніжэння тэмпаў нашага гандлёва-эканамічнага ўзаемадзеяння. Упэўнены, што разам мы зможам не толькі справіцца з бягучымі праблемамі, але і захаваць стваральны парадак дня ў нашай сумеснай рабоце ў рамках Садружнасці", - падкрэсліў прэм'ер-міністр.-0-

Падпісвайцеся на нас у
Twitter
Топ-навіны
Свежыя навіны Беларусі