29 ліпеня, Мінск /Юлія Огнева - БЕЛТА/. Неабгрунтаванага змянення цэн у сувязі з дэнамінацыяй не выяўлена, паведаміў сёння журналістам міністр гандлю Уладзімір Калтовіч, перадае карэспандэнт БЕЛТА.
"У нас выбудавана дакладная сістэма маніторынгу цэн. З красавіка мы зніжаем індэкс спажывецкіх цэн на 0,1 працэнта. У чэрвені ён склаў 100,4 працэнта. Па цэнавай сітуацыі і ў цэлым па пытаннях дэнамінацыі парушэнняў не выяўлена", - адзначыў Уладзімір Калтовіч.
Паводле яго слоў, прэтэнзій, скаргаў і пытанняў ад насельніцтва практычна не паступае. "У міністэрстве арганізавалі дзяжурства - было 1-2 званкі за першыя дні. Зладжаныя дзеянні Нацыянальнага банка, банкаўскай сістэмы і гандлю далі свой вынік. Гандаль падрыхтаваў персанал, згодна з устаноўленым графікам ідзе перааснашчэнне касавага, гандлёвага абсталявання. Банкі выканалі абяцанне па рабоце плацежных тэрміналаў. Сёння прэтэнзій да арганізацыі тэхнічных пытанняў няма", - канстатаваў міністр.-0-
