25 верасня, Мінск /Кар. БЕЛТА/. Першы намеснік міністра прамысловасці Беларусі Андрэй Канюшка расказаў на прэс-канферэнцыі, што прадставяць прадпрыемствы Мінпрама на выстаўцы "ІНАПРАМ. Беларусь", перадае карэспандэнт БЕЛТА.
"Правядзенне такога мерапрыемства ў Мінску падкрэслівае заслугі і поспех беларускага вытворчага комплексу нашай краіны, - лічыць Андрэй Канюшка. - Гэта не проста выстаўка, гэта сапраўды маштабная прамысловая падзея, якая збірае вядучыя кампаніі не толькі Беларусі, але і яшчэ некалькіх дзясяткаў краін".
Шэраг прадпрыемстваў Мінпрама прадэманструюць свае навінкі на плошчы ўнутры Мінскага міжнароднага выставачнага цэнтра, а таксама на адкрытым паветры. Вулічная пляцоўка будзе прадстаўлена тэхнікай 14 беларускіх прадпрыемстваў на плошчы 2480 кв.м (у тым ліку ў рамках сумесных вытворчасцей з расійскімі і казахстанскімі партнёрамі), з іх восем арганізацый Міністэрства прамысловасці на плошчы 1758 кв.м.
У цэнтральнай частцы беларускага павільёна будзе размешчана экспазіцыя МАЗа, у рамках якой будзе прадстаўлены натурны ўзор седлавога гібрыднага цягача MAZ-545000 (новае рашэнне МАЗ-Х, створанае на базе гібрыднай платформы з электрамеханічнай трансмісіяй).
Андрэй Канюшка ўпэўнены, што ўвагу наведвальнікаў прыцягне і калектыўная экспазіцыя станкабудаўнічых арганізацый Мінпрама.
СЗАТ "БЕЛДЖЫ" прадэманструе знакавы прадукт айчыннага аўтапрама - гібрыдны красовер BELGEE X80 PHEV. "Запрашаем наведаць і азнаёміцца з нашым айчынным легкавым аўтамабілебудаваннем", - сказаў Андрэй Канюшка.
На стэндзе БЕЛАЗа можна будзе ўбачыць макет, які дэманструе тэхналогію беспілотнага кіравання тэхнікай БЕЛАЗ на вадародным паліве, а таксама макеты гідраўлічнага экскаватара BX20012 і кар'ернага самазвала БЕЛАЗ-7513М2.
"БКМ Холдынг" прадставіць інтэрактыўную панэль, якая дазволіць дэталёва разгледзець экстэр'ер і інтэр'ер электробуса мадэлі Е321, сучлененага электробуса Е433 і нізкападлогавага трамвая Т811. На стэндзе сельскагаспадарчай тэхнікі МТЗ прэзентуе трактар BELARUS 1222.3, які атрымаў Дзяржзнак якасці, а на вулічнай пляцоўцы будзе прадстаўлены самы магутны трактар у свеце ў класічнай кампаноўцы BELARUS-5425, аснашчаны высокаэфектыўным рухавіком WEICHAI магутнасцю 542 к.с. Побач з трактарамі размесціцца навясное і прычапное абсталяванне холдынгаў "Лідсельмаш" і "Бабруйскаграмаш".
Усяго ў рамках "ІНАПРАМ.Беларусь" запланавана каля 27 мерапрыемстваў дзелавой праграмы, на якіх будуць абмяркоўвацца перспектывы ў першую чаргу вытворчай кааперацыі. "Мы будзем дзяліцца навінкамі вытворчых прадуктаў прамысловасці", - сказаў на заканчэнне Андрэй Канюшка.-0-
"Правядзенне такога мерапрыемства ў Мінску падкрэслівае заслугі і поспех беларускага вытворчага комплексу нашай краіны, - лічыць Андрэй Канюшка. - Гэта не проста выстаўка, гэта сапраўды маштабная прамысловая падзея, якая збірае вядучыя кампаніі не толькі Беларусі, але і яшчэ некалькіх дзясяткаў краін".
Шэраг прадпрыемстваў Мінпрама прадэманструюць свае навінкі на плошчы ўнутры Мінскага міжнароднага выставачнага цэнтра, а таксама на адкрытым паветры. Вулічная пляцоўка будзе прадстаўлена тэхнікай 14 беларускіх прадпрыемстваў на плошчы 2480 кв.м (у тым ліку ў рамках сумесных вытворчасцей з расійскімі і казахстанскімі партнёрамі), з іх восем арганізацый Міністэрства прамысловасці на плошчы 1758 кв.м.
У цэнтральнай частцы беларускага павільёна будзе размешчана экспазіцыя МАЗа, у рамках якой будзе прадстаўлены натурны ўзор седлавога гібрыднага цягача MAZ-545000 (новае рашэнне МАЗ-Х, створанае на базе гібрыднай платформы з электрамеханічнай трансмісіяй).
Андрэй Канюшка ўпэўнены, што ўвагу наведвальнікаў прыцягне і калектыўная экспазіцыя станкабудаўнічых арганізацый Мінпрама.
СЗАТ "БЕЛДЖЫ" прадэманструе знакавы прадукт айчыннага аўтапрама - гібрыдны красовер BELGEE X80 PHEV. "Запрашаем наведаць і азнаёміцца з нашым айчынным легкавым аўтамабілебудаваннем", - сказаў Андрэй Канюшка.
На стэндзе БЕЛАЗа можна будзе ўбачыць макет, які дэманструе тэхналогію беспілотнага кіравання тэхнікай БЕЛАЗ на вадародным паліве, а таксама макеты гідраўлічнага экскаватара BX20012 і кар'ернага самазвала БЕЛАЗ-7513М2.
"БКМ Холдынг" прадставіць інтэрактыўную панэль, якая дазволіць дэталёва разгледзець экстэр'ер і інтэр'ер электробуса мадэлі Е321, сучлененага электробуса Е433 і нізкападлогавага трамвая Т811. На стэндзе сельскагаспадарчай тэхнікі МТЗ прэзентуе трактар BELARUS 1222.3, які атрымаў Дзяржзнак якасці, а на вулічнай пляцоўцы будзе прадстаўлены самы магутны трактар у свеце ў класічнай кампаноўцы BELARUS-5425, аснашчаны высокаэфектыўным рухавіком WEICHAI магутнасцю 542 к.с. Побач з трактарамі размесціцца навясное і прычапное абсталяванне холдынгаў "Лідсельмаш" і "Бабруйскаграмаш".
Усяго ў рамках "ІНАПРАМ.Беларусь" запланавана каля 27 мерапрыемстваў дзелавой праграмы, на якіх будуць абмяркоўвацца перспектывы ў першую чаргу вытворчай кааперацыі. "Мы будзем дзяліцца навінкамі вытворчых прадуктаў прамысловасці", - сказаў на заканчэнне Андрэй Канюшка.-0-
Падпісвайцеся на нас у
