Фота БУТБ
11 лістапада, Мінск /Кар. БЕЛТА/. Беларуская ўніверсальная таварная біржа бачыць неабходнасць у пошуку новых напрамкаў супрацоўніцтва з прадпрыемствамі Калужскай вобласці, што дасць магчымасць не толькі павялічыць тавараабарот суб'ектаў гаспадарання гэтага рэгіёна на беларускай біржавой платформе, але і пасадзейнічае пашырэнню сферы прымянення біржавога механізма калужскімі ўдзельнікамі. Такое меркаванне выказаў начальнік упраўлення знешнеэканамічнай дзейнасці БУТБ Аляксандр Башлій, выступаючы на міжнародным форуме "Вектар на экспарт. Трасфармацыя дзяржпадтрымкі", які прайшоў у Калузе, паведамілі БЕЛТА ў прэс-службе біржы.
У бягучым годзе гэта мерапрыемства, якое ўжо стала традыцыйным, сабрала звыш 500 удзельнікаў, уключаючы амаль 300 прадстаўнікоў дзелавых колаў Калужскай вобласці.
"Вядома, першараднае значэнне для нас маюць паказчыкі біржавога гандлю паміж беларускімі і калужскімі кампаніямі, і тут можна канстатаваць высокую станоўчую дынаміку, - падкрэсліў начальнік ЗЭД таварнай біржы. - Так, у параўнанні са студзенем - кастрычнікам 2023 года сума здзелак калужскіх удзельнікаў таргоў вырасла амаль у сем разоў, пераважна за кошт паставак у расійскі рэгіён мясапрадуктаў і піламатэрыялаў беларускай вытворчасці. Гэта сведчыць аб запатрабаванасці біржавой пляцоўкі і зацікаўленасці бакоў у развіцці ўзаемнага гандлю".
Тым не менш, паводле слоў Аляксандра Башлія, настаў час рухацца далей і, акрамя пашырэння таварнай наменклатуры, падключаць новыя напрамкі супрацоўніцтва, такія як брокерства і транзітны гандаль. Па імпарце ў Беларусь таксама ёсць значныя незадзейнічаныя рэзервы. Усё гэта, на думку эксперта, патэнцыяльныя кропкі росту і дадатковыя магчымасці для гандлю з Беларуссю і трэцімі краінамі.
Паводле даных БУТБ, у 2024 годзе рэзідэнты Расіі з'яўляюцца буйнейшымі замежнымі пакупнікамі мяса і мясных субпрадуктаў на біржавых таргах, займаюць другое месца па імпарце лесапрадукцыі. У прыватнасці, за 10 месяцаў у Расію было рэалізавана 10,4 тыс. т беларускіх мясапрадуктаў, што ў пяць разоў больш, чым за аналагічны перыяд 2023 года. У сваю чаргу, экспарт піламатэрыялаў з Беларусі вырас у 1,9 раза - са 149,6 тыс. куб.м у мінулым годзе да 282 тыс. куб.м у бягучым.
Па стане на 1 лістапада, на БУТБ акрэдытаваны 4153 рэзідэнты Расіі, у тым ліку 28 з Калужскай вобласці.-0-
У бягучым годзе гэта мерапрыемства, якое ўжо стала традыцыйным, сабрала звыш 500 удзельнікаў, уключаючы амаль 300 прадстаўнікоў дзелавых колаў Калужскай вобласці.
"Вядома, першараднае значэнне для нас маюць паказчыкі біржавога гандлю паміж беларускімі і калужскімі кампаніямі, і тут можна канстатаваць высокую станоўчую дынаміку, - падкрэсліў начальнік ЗЭД таварнай біржы. - Так, у параўнанні са студзенем - кастрычнікам 2023 года сума здзелак калужскіх удзельнікаў таргоў вырасла амаль у сем разоў, пераважна за кошт паставак у расійскі рэгіён мясапрадуктаў і піламатэрыялаў беларускай вытворчасці. Гэта сведчыць аб запатрабаванасці біржавой пляцоўкі і зацікаўленасці бакоў у развіцці ўзаемнага гандлю".
Тым не менш, паводле слоў Аляксандра Башлія, настаў час рухацца далей і, акрамя пашырэння таварнай наменклатуры, падключаць новыя напрамкі супрацоўніцтва, такія як брокерства і транзітны гандаль. Па імпарце ў Беларусь таксама ёсць значныя незадзейнічаныя рэзервы. Усё гэта, на думку эксперта, патэнцыяльныя кропкі росту і дадатковыя магчымасці для гандлю з Беларуссю і трэцімі краінамі.
Паводле даных БУТБ, у 2024 годзе рэзідэнты Расіі з'яўляюцца буйнейшымі замежнымі пакупнікамі мяса і мясных субпрадуктаў на біржавых таргах, займаюць другое месца па імпарце лесапрадукцыі. У прыватнасці, за 10 месяцаў у Расію было рэалізавана 10,4 тыс. т беларускіх мясапрадуктаў, што ў пяць разоў больш, чым за аналагічны перыяд 2023 года. У сваю чаргу, экспарт піламатэрыялаў з Беларусі вырас у 1,9 раза - са 149,6 тыс. куб.м у мінулым годзе да 282 тыс. куб.м у бягучым.
Па стане на 1 лістапада, на БУТБ акрэдытаваны 4153 рэзідэнты Расіі, у тым ліку 28 з Калужскай вобласці.-0-
Падпісвайцеся на нас у
