Фота БУТБ
18 снежня, Мінск /Кар. БЕЛТА/. Для актывізацыі біржавога гандлю Беларусі з дзяржавамі Паўднёвай Азіі Беларуская ўніверсальная таварная біржа прапрацоўвае пытанне акрэдытацыі біржавога брокера ў адной з краін гэтага рэгіёна. У першую чаргу разглядаецца Індыя як буйнейшы і найбольш перспектыўны рынак для развіцця супрацоўніцтва ў біржавой сферы, паведамілі БЕЛТА ў прэс-службе БУТБ.
Гэта пытанне ўзнімалася ў час анлайн-перагавораў паміж прадстаўнікамі БУТБ і прэзідэнтам Індыйскай палаты міжнароднага бізнесу (Indian Chamber of International Business, ICIB) Манпрытам Сінгхам, які выказаў зацікаўленасць ва ўстанаўленні партнёрскіх адносін з беларускай біржавой пляцоўкай. На думку індыйскага бізнесмэна, працуючы ў статусе брокера, ICIB зможа не толькі прыцягнуць на БУТБ новых удзельнікаў таргоў з Індыі, але і спрасціць дзейнасць ужо акрэдытаваных на біржы індыйскіх кампаній.
"На рынку Беларусі мы прысутнічаем больш за 10 гадоў, аказваючы садзейнічанне прадстаўнікам беларускага і індыйскага бізнесу ў пошуку дзелавых партнёраў і арганізацыі ўзаемнага гандлю, - адзначыў прэзідэнт ICIB. - Акрамя таго, мы бяром на сябе пытанні лагістыкі і дастаўкі тавараў, што, на мой погляд, з'яўляецца несумненным плюсам, у тым ліку для індыйскіх кампаній, якія ўжо ўдзельнічаюць у біржавых таргах і заключаюць здзелкі. Гэта значыць, як бачыце, у пэўнай ступені мы ўжо выконваем функцыі біржавога брокера і гатовы наладзіць узаемадзеянне з біржай у такім фармаце".
Са свайго боку начальнік упраўлення знешнеэканамічнай дзейнасці БУТБ Аляксандр Башлій падкрэсліў значнасць індыйскага рынку як аднаго са стратэгічных напрамкаў біржавога экспарту і выказаў упэўненасць у тым, што аб'яднанне намаганняў з ICIB дасць магчымасць вывесці беларуска-індыйскі біржавы гандаль на больш высокі ўзровень.
"На сёння ў нас акрэдытаваны толькі чатыры індыйскія кампаніі, а аб'ём здзелак па выніках 11 месяцаў склаў $1,6 млн. Усю гэту суму забяспечыў экспарт беларускіх піламатэрыялаў. Адпаведна, патэнцыял для пашырэння кола ўдзельнікаў таргоў і росту тавараабароту каласальны. Упэўнены, што пры падтрымцы брокерскай арганізацыі, якая мае вопыт работы і ў Беларусі, і ў Індыі, мы зможам дабіцца больш высокіх вынікаў", - рэзюмаваў прадстаўнік БУТБ.-0-
Гэта пытанне ўзнімалася ў час анлайн-перагавораў паміж прадстаўнікамі БУТБ і прэзідэнтам Індыйскай палаты міжнароднага бізнесу (Indian Chamber of International Business, ICIB) Манпрытам Сінгхам, які выказаў зацікаўленасць ва ўстанаўленні партнёрскіх адносін з беларускай біржавой пляцоўкай. На думку індыйскага бізнесмэна, працуючы ў статусе брокера, ICIB зможа не толькі прыцягнуць на БУТБ новых удзельнікаў таргоў з Індыі, але і спрасціць дзейнасць ужо акрэдытаваных на біржы індыйскіх кампаній.
"На рынку Беларусі мы прысутнічаем больш за 10 гадоў, аказваючы садзейнічанне прадстаўнікам беларускага і індыйскага бізнесу ў пошуку дзелавых партнёраў і арганізацыі ўзаемнага гандлю, - адзначыў прэзідэнт ICIB. - Акрамя таго, мы бяром на сябе пытанні лагістыкі і дастаўкі тавараў, што, на мой погляд, з'яўляецца несумненным плюсам, у тым ліку для індыйскіх кампаній, якія ўжо ўдзельнічаюць у біржавых таргах і заключаюць здзелкі. Гэта значыць, як бачыце, у пэўнай ступені мы ўжо выконваем функцыі біржавога брокера і гатовы наладзіць узаемадзеянне з біржай у такім фармаце".
Са свайго боку начальнік упраўлення знешнеэканамічнай дзейнасці БУТБ Аляксандр Башлій падкрэсліў значнасць індыйскага рынку як аднаго са стратэгічных напрамкаў біржавога экспарту і выказаў упэўненасць у тым, што аб'яднанне намаганняў з ICIB дасць магчымасць вывесці беларуска-індыйскі біржавы гандаль на больш высокі ўзровень.
"На сёння ў нас акрэдытаваны толькі чатыры індыйскія кампаніі, а аб'ём здзелак па выніках 11 месяцаў склаў $1,6 млн. Усю гэту суму забяспечыў экспарт беларускіх піламатэрыялаў. Адпаведна, патэнцыял для пашырэння кола ўдзельнікаў таргоў і росту тавараабароту каласальны. Упэўнены, што пры падтрымцы брокерскай арганізацыі, якая мае вопыт работы і ў Беларусі, і ў Індыі, мы зможам дабіцца больш высокіх вынікаў", - рэзюмаваў прадстаўнік БУТБ.-0-
Падпісвайцеся на нас у
