26 студзеня, Мінск /Кар. БЕЛТА/. "Беларуськалій" запатрабуе ад Літоўскіх чыгунак поўную кампенсацыю ўсіх страт, звязаных са скасаваннем кантракта на перавозку ўгнаенняў. Такая інфармацыя прагучала ў эфіры тэлеканала АНТ, паведамляе БЕЛТА.
Паводле інфармацыі тэлеканала, у Вільнюсе ўжо атрымалі адпаведнае пісьмо з папярэджаннем. Пазіцыя прадпрыемства заключаецца ў тым, што заплаціць Літоўскім чыгункам давядзецца ўсім, хто панясе страты, у тым ліку партнёрам "Беларуськалія" ў іншых краінах.
Акрамя таго, як раней паведамлялася, у выпадку разрыву кантракта, літоўцам давядзецца выплаціць штраф не менш за 600 тыс. еўра.
Балтыйская дзяржава выкарыстоўвае свае чыгункі ў якасці інструмента санкцый і з 1 лютага мае намер парушыць свае дагаворныя абавязацельствы і спыніць транзіт угнаенняў.-0-
