Фота БЦК
24 верасня, Мінск /Кар. БЕЛТА/. Холдынг "Беларуская цэментная кампанія" (БЦК) прадаўжае работу, накіраваную на павелічэнне долі выкарыстання RDF-паліва пры вытворчасці цэменту, паведамілі карэспандэнту БЕЛТА ў кіруючай кампаніі холдынга "БЦК".
Экалагічны парадак дня займае важнае месца ў Рэспубліцы Беларусь, і для будаўнічай галіны адной са стратэгічных задач на сучасным этапе з'яўляецца выпуск канкурэнтаздольнай прадукцыі пры мінімальным уздзеянні на навакольнае асяроддзе. Кіраўнік дзяржавы ўдзяліў асаблівую ўвагу гэтаму пытанню на нарадзе з урадам, прысвечанай абыходжанню з адходамі і выкарыстанню другасных матэрыяльных рэсурсаў.
Прымяненне RDF-паліва ў цэментнай вытворчасці адначасова вырашае дзве ключавыя задачы на ўзроўні краіны. Па-першае, перапрацоўка цвёрдых камунальных адходаў (ЦКА) у паліва дае магчымасць знізіць экалагічную нагрузку за кошт скарачэння аб'ёмаў пахавання і колькасці палігонаў ЦКА. Па-другое, выкарыстанне ўласнага RDF-паліва змяншае залежнасць ад энергарэсурсаў, якія паступаюць з-за мяжы.
Прынятае ўрадам рашэнне аб фінансаванні дзяржаўнай установы "Аператар другасных матэрыяльных рэсурсаў" адкрывае для цэментных прадпрыемстваў новыя магчымасці - дазваляе атрымаць дадатковы эканамічны эфект ад выкарыстання RDF-паліва і павысіць канкурэнтаздольнасць на ўнутраным і знешнім рынках.
Інвестыцыйны праект па будаўніцтве тэхналагічнай лініі для выкарыстання RDF-паліва пры выпуску цэменту быў рэалізаваны холдынгам "Беларуская цэментная кампанія" ў жніўні 2021 года. Усе партыі RDF-паліва, якія паступаюць ад беларускіх смеццеперапрацоўчых заводаў, у поўным аб'ёме спальваюцца на спецыялізаванай тэхналагічнай лініі ў ААТ "Краснасельскбудматэрыялы". "Мы супрацоўнічаем з усімі вытворцамі RDF-паліва, дабіваючыся адпаведнасці вырабляемага паліва тэхнічным умовам цэментнага завода, - адзначыў генеральны дырэктар ААТ "Краснасельскбудматэрыялы" Аляксандр Голда. - На сённяшні дзень холдынгам заключаны дагаворы з вытворцамі RDF-паліва на пастаўку да канца бягучага года 25 тыс. т RDF-паліва, якое будзе выкарыстана ў цэментнай печы прадпрыемства пры вытворчасці клінкеру сухім спосабам".
У верасні запланаваны прамысловыя выпрабаванні RDF-паліва, вырабленага УП "Экарэс" (Мінск). "Па выніках выпрабаванняў плануецца павялічыць аб'ём паставак з гэтага прадпрыемства з 15 да 30 тыс. т, што дазволіць сумарна выкарыстоўваць 40 тыс. т RDF-паліва ў чацвёртым квартале бягучага года", - дадаў Аляксандр Голда.
Ён таксама паведаміў, што ў 2026 годзе плануецца пашырэнне вытворчай інфраструктуры: паблізу Ваўкавыска будуецца рэгіянальны комплекс па абыходжанні з ЦКА, які будзе ўключаць вытворчасць RDF-паліва. "Новы аб'ект па суседстве з нашым прадпрыемствам дасць магчымасць практычна поўнасцю закрыць патрэбнасць завода ў гэтым відзе паліва", - падкрэсліў гендырэктар.
Холдынг "Беларуская цэментная кампанія" планамерна развівае выкарыстанне RDF-паліва і на іншых прадпрыемствах, якія ўваходзяць у яго склад. У бліжэйшы час будуць атрыманы неабходныя дакументы, на падставе якіх два ўсходнія заводы холдынга - ААТ "Беларускі цэментны завод" і ААТ "Крычаўцэментнашыфер" - ужо ў кастрычніку пачнуць закупку тэхналагічнага абсталявання для падачы RDF-паліва ў дэкарбанізатары цэментных печаў. Увод абсталявання ў эксплуатацыю намечаны на 2026 год. З запускам завода пад Ваўкавыскам пастаўкі ад іншых беларускіх вытворцаў RDF-паліва будуць пераарыентаваны з Гродзенскай вобласці на Магілёўскую.
Цяпер у мэтах дазагрузкі абсталявання па падачы RDF-паліва ў дэкарбанізатар у ААТ "Краснасельскбудматэрыялы" разам з партыямі RDF-паліва прымяняюцца і іншыя віды альтэрнатыўнага паліва: сінтэтычнае валакно з шыннага корду, ільняная кастрыца, здробленае рыззё і драўняныя шчэпкі. У 2024 годзе на лініі было выкарыстана больш як 15,9 тыс.т альтэрнатыўнага паліва, за восем месяцаў 2025 года - 7,5 тыс.т.-0-
Экалагічны парадак дня займае важнае месца ў Рэспубліцы Беларусь, і для будаўнічай галіны адной са стратэгічных задач на сучасным этапе з'яўляецца выпуск канкурэнтаздольнай прадукцыі пры мінімальным уздзеянні на навакольнае асяроддзе. Кіраўнік дзяржавы ўдзяліў асаблівую ўвагу гэтаму пытанню на нарадзе з урадам, прысвечанай абыходжанню з адходамі і выкарыстанню другасных матэрыяльных рэсурсаў.
Прымяненне RDF-паліва ў цэментнай вытворчасці адначасова вырашае дзве ключавыя задачы на ўзроўні краіны. Па-першае, перапрацоўка цвёрдых камунальных адходаў (ЦКА) у паліва дае магчымасць знізіць экалагічную нагрузку за кошт скарачэння аб'ёмаў пахавання і колькасці палігонаў ЦКА. Па-другое, выкарыстанне ўласнага RDF-паліва змяншае залежнасць ад энергарэсурсаў, якія паступаюць з-за мяжы.
Прынятае ўрадам рашэнне аб фінансаванні дзяржаўнай установы "Аператар другасных матэрыяльных рэсурсаў" адкрывае для цэментных прадпрыемстваў новыя магчымасці - дазваляе атрымаць дадатковы эканамічны эфект ад выкарыстання RDF-паліва і павысіць канкурэнтаздольнасць на ўнутраным і знешнім рынках.
Інвестыцыйны праект па будаўніцтве тэхналагічнай лініі для выкарыстання RDF-паліва пры выпуску цэменту быў рэалізаваны холдынгам "Беларуская цэментная кампанія" ў жніўні 2021 года. Усе партыі RDF-паліва, якія паступаюць ад беларускіх смеццеперапрацоўчых заводаў, у поўным аб'ёме спальваюцца на спецыялізаванай тэхналагічнай лініі ў ААТ "Краснасельскбудматэрыялы". "Мы супрацоўнічаем з усімі вытворцамі RDF-паліва, дабіваючыся адпаведнасці вырабляемага паліва тэхнічным умовам цэментнага завода, - адзначыў генеральны дырэктар ААТ "Краснасельскбудматэрыялы" Аляксандр Голда. - На сённяшні дзень холдынгам заключаны дагаворы з вытворцамі RDF-паліва на пастаўку да канца бягучага года 25 тыс. т RDF-паліва, якое будзе выкарыстана ў цэментнай печы прадпрыемства пры вытворчасці клінкеру сухім спосабам".
У верасні запланаваны прамысловыя выпрабаванні RDF-паліва, вырабленага УП "Экарэс" (Мінск). "Па выніках выпрабаванняў плануецца павялічыць аб'ём паставак з гэтага прадпрыемства з 15 да 30 тыс. т, што дазволіць сумарна выкарыстоўваць 40 тыс. т RDF-паліва ў чацвёртым квартале бягучага года", - дадаў Аляксандр Голда.
Ён таксама паведаміў, што ў 2026 годзе плануецца пашырэнне вытворчай інфраструктуры: паблізу Ваўкавыска будуецца рэгіянальны комплекс па абыходжанні з ЦКА, які будзе ўключаць вытворчасць RDF-паліва. "Новы аб'ект па суседстве з нашым прадпрыемствам дасць магчымасць практычна поўнасцю закрыць патрэбнасць завода ў гэтым відзе паліва", - падкрэсліў гендырэктар.
Холдынг "Беларуская цэментная кампанія" планамерна развівае выкарыстанне RDF-паліва і на іншых прадпрыемствах, якія ўваходзяць у яго склад. У бліжэйшы час будуць атрыманы неабходныя дакументы, на падставе якіх два ўсходнія заводы холдынга - ААТ "Беларускі цэментны завод" і ААТ "Крычаўцэментнашыфер" - ужо ў кастрычніку пачнуць закупку тэхналагічнага абсталявання для падачы RDF-паліва ў дэкарбанізатары цэментных печаў. Увод абсталявання ў эксплуатацыю намечаны на 2026 год. З запускам завода пад Ваўкавыскам пастаўкі ад іншых беларускіх вытворцаў RDF-паліва будуць пераарыентаваны з Гродзенскай вобласці на Магілёўскую.
Цяпер у мэтах дазагрузкі абсталявання па падачы RDF-паліва ў дэкарбанізатар у ААТ "Краснасельскбудматэрыялы" разам з партыямі RDF-паліва прымяняюцца і іншыя віды альтэрнатыўнага паліва: сінтэтычнае валакно з шыннага корду, ільняная кастрыца, здробленае рыззё і драўняныя шчэпкі. У 2024 годзе на лініі было выкарыстана больш як 15,9 тыс.т альтэрнатыўнага паліва, за восем месяцаў 2025 года - 7,5 тыс.т.-0-
Падпісвайцеся на нас у
