Фота з архіва
10 студзеня, Мінск /Кар. БЕЛТА/. Беларусь і Сербія пашырылі таварную наменклатуру біржавога гандлю, паведамілі БЕЛТА ў прэс-службе Беларускай універсальнай таварнай біржы.
Па выніках таргоў, праведзеных на БУТБ, у структуры біржавога тавараабароту Беларусі і Сербіі з'явіліся дзве новыя пазіцыі - гербіцыды і насенне для сяўбы. Першыя здзелкі па закупцы гэтых тавараў прадпрыемствамі Беларусі былі заключаны ў пачатку студзеня 2025 года. Да гэтага моманту сербскія кампаніі выступалі на БУТБ выключна ў якасці імпарцёраў, набываючы праз біржу беларускія піламатэрыялы, сухое малако, сметанковае масла і сыры.
"У кантэксце развіцця біржавога гандлю пашырэнне таварнай наменклатуры - гэта заўсёды станоўчая з'ява, паколькі такім чынам ствараюцца перадумовы для павелічэння ўзаемнага тавараабароту і прыходу на біржавую пляцоўку новых удзельнікаў. Калі гаварыць непасрэдна пра Сербію, то ў 2024 годзе супрацоўніцтва з гэтай краінай значна актывізавалася. Так, у параўнанні з 2023 годам сума здзелак вырасла больш як у 37 разоў - у асноўным дзякуючы пастаўкам беларускай малочнай прадукцыі на сербскі рынак. Найбольшым попытам карысталася сухое абястлушчанае і сухое натуральнае малако. На гэтыя пазіцыі прыпала 64 працэнты продажаў беларускіх тавараў у Сербію", - расказалі ў прэс-службе БУТБ.
Біржавыя таргі сродкамі абароны раслін, угнаеннямі і насеннем для ўнутранага рынку праводзяцца на БУТБ двойчы на тыдзень. За 2024 год агульная сума здзелак па гэтых таварных напрамках склала Br537,2 млн, што на 13 працэнтаў больш, чым у 2023 годзе. Акрамя рэзідэнтаў Беларусі, у гандлёвых сесіях прымалі ўдзел і ажыццяўлялі здзелкі кампаніі з Германіі, Даніі і Францыі.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. Беларуская ўніверсальная таварная біржа - адна з буйнейшых таварных біржаў ва Усходняй Еўропе. Галоўная функцыя біржы - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Па выніках таргоў, праведзеных на БУТБ, у структуры біржавога тавараабароту Беларусі і Сербіі з'явіліся дзве новыя пазіцыі - гербіцыды і насенне для сяўбы. Першыя здзелкі па закупцы гэтых тавараў прадпрыемствамі Беларусі былі заключаны ў пачатку студзеня 2025 года. Да гэтага моманту сербскія кампаніі выступалі на БУТБ выключна ў якасці імпарцёраў, набываючы праз біржу беларускія піламатэрыялы, сухое малако, сметанковае масла і сыры.
"У кантэксце развіцця біржавога гандлю пашырэнне таварнай наменклатуры - гэта заўсёды станоўчая з'ява, паколькі такім чынам ствараюцца перадумовы для павелічэння ўзаемнага тавараабароту і прыходу на біржавую пляцоўку новых удзельнікаў. Калі гаварыць непасрэдна пра Сербію, то ў 2024 годзе супрацоўніцтва з гэтай краінай значна актывізавалася. Так, у параўнанні з 2023 годам сума здзелак вырасла больш як у 37 разоў - у асноўным дзякуючы пастаўкам беларускай малочнай прадукцыі на сербскі рынак. Найбольшым попытам карысталася сухое абястлушчанае і сухое натуральнае малако. На гэтыя пазіцыі прыпала 64 працэнты продажаў беларускіх тавараў у Сербію", - расказалі ў прэс-службе БУТБ.
Біржавыя таргі сродкамі абароны раслін, угнаеннямі і насеннем для ўнутранага рынку праводзяцца на БУТБ двойчы на тыдзень. За 2024 год агульная сума здзелак па гэтых таварных напрамках склала Br537,2 млн, што на 13 працэнтаў больш, чым у 2023 годзе. Акрамя рэзідэнтаў Беларусі, у гандлёвых сесіях прымалі ўдзел і ажыццяўлялі здзелкі кампаніі з Германіі, Даніі і Францыі.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. Беларуская ўніверсальная таварная біржа - адна з буйнейшых таварных біржаў ва Усходняй Еўропе. Галоўная функцыя біржы - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Падпісвайцеся на нас у
