Аграрыі Беларусі намалацілі звыш 9 млн тон збожжа

29 верасня, Мінск /Кар. БЕЛТА/. Аграрыі Беларусі намалацілі звыш 9 млн т збожжа разам з рапсам, паведамілі БЕЛТА ў прэс-службе Мінсельгасхарча.

Паводле аператыўных даных на 29 верасня, з палёў краіны намалочана 9 млн 28 тыс. т збожжа разам з рапсам.

Збожжавыя і зернебабовыя культуры без кукурузы ўбраны з 99 працэнтаў плошчаў, што складае 2410 тыс. га. Сярэдняя ўраджайнасць збожжа вышэйшая за мінулагоднюю на 8,1 ц/га. Харчовага збожжа пастаўлена ў кошт дзяржзаказу 675 тыс. т - 97 працэнтаў ад плана.

Пасеяна азімых збожжавых на зерне на плошчы 1 млн 69 тыс. га, або 71 працэнт запланаванага.

Нарыхтавана льнотрасты 131 тыс. т, ураджайнасць вышэйшая за мінулагоднюю на 11,5 ц/га.

Нарыхтавана сена 533 тыс. т (74 працэнты плана), сенажу - 13 млн 626 тыс. т (98 працэнтаў плана), сіласу - 9 млн 801 тыс. т (47 працэнтаў плана), травяных кармоў нарыхтавана 6 млн 779 тыс. т (67 працэнтаў плана).

Цукровыя буракі ўбраны з 36 працэнтаў плошчаў, што складае 38 тыс. га. Накапана 1 млн 830 тыс. т караняплода, ураджайнасцю вышэйшай за мінулагоднюю на 30,2 ц/га.

Бульбы ў краіне накапана 401 тыс. т, ураджайнасцю вышэйшай за мінулагоднюю на 4,8 ц/га. Убрана ўжо 57 працэнтаў плошчаў.

Агародніны, вырашчанай у адкрытым грунце, па краіне сабрана 72 тыс. т. Засеяныя плошчы складаюць больш за 8 тыс. га, ужо ўбрана 47 працэнтаў.-0