8 ліпеня, Мінск /Кар. БЕЛТА/. Адмова Украіны ад імпарту беларускай электраэнергіі не паўплывае на работу энергасістэмы Беларусі, паведамілі БЕЛТА ў прэс-службе Міністэрства энергетыкі.
"Аб'ёмы паставак электраэнергіі з Беларусі ва Украіну ў мінулым і ў гэтым годзе былі невялікімі. Аднак у асенне-зімовы перыяд беларуская электраэнергія, якая пастаўлялася па запыце ўкраінскага боку, выкарыстоўвалася для забеспячэння ўстойлівай работы энергасістэмы Украіны ў складаныя перыяды неспрыяльных умоў надвор'я", - сказалі ў прэс-службе.
У Мінэнерга падкрэслілі, што рашэнне аб абмежаванні імпарту беларускай электраэнергіі стварае пэўныя рызыкі перш за ўсё для ўкраінскіх спажыўцоў электраэнергіі. "Але, відаць, у гэтым выпадку палітыка мацнейшая за эканамічныя доказы", - адзначылі ў ведамстве.-0-
