Мабільная версія
ДЗЯРЖОРГАНЫ
Апошнія навіны
Усе навіны

Ваенная драма "Ідзі і глядзі" ўвайшла ў топ-100 неангламоўных фільмаў па версіі BBC

Культура 01.11.2018 | 14:25
Кадр з фільма "Ідзі і глядзі"
Кадр з фільма "Ідзі і глядзі"

1 лістапада, Мінск /Кар. БЕЛТА/. Ваенная драма "Ідзі і глядзі" з залатой калекцыі "Беларусьфільма" ўвайшла ў сотню лепшых неангламоўных фільмаў па версіі брытанскай тэлерадыёкампаніі ВВС. Рэйтынг, прадстаўлены на сайце ВВС, быў складзены кінакрытыкамі з 43 краін свету.

У сотню лепшых увайшлі фільмы ад 67 рэжысёраў з 24 краін на 19 мовах. Сярод іх сем кінакарцін рускамоўных рэжысёраў - ваенная драма "Ідзі і глядзі" савецкага рэжысёра Элема Клімава, чатыры фільмы Андрэя Таркоўскага - "Люстэрка", "Андрэй Рублёў", "Сталкер" і "Салярыс", а таксама "Чалавек з кінаапаратам" рэжысёра Дзігі Вертава і "Браняносец Пацёмкін" Сяргея Эйзенштэйна.

Фільм "Ідзі і глядзі" быў зняты паводле сцэнарыя беларускага пісьменніка Алеся Адамовіча на кінастудыях "Беларусьфільм" і "Масфільм". Дзеянне карціны разгортваецца на тэрыторыі Беларусі ў 1943 годзе. У цэнтры сюжэта - беларускі хлопчык, які становіцца сведкам жахаў нацысцкай карнай аперацыі, на працягу двух дзён ператвараючыся з жыццярадаснага падлетка ў сівога старога.

Прэм'ера фільма "Ідзі і глядзі" адбылася летам 1985 года на Маскоўскім міжнародным кінафестывалі, дзе ён быў удастоены "Залатога прыза" і адзначаны прэміяй ФІПРЭССІ. За больш як 30 гадоў з моманту стварэння фільм станавіўся лаўрэатам многіх прэстыжных кінафестываляў. У 1985 годзе быў вылучаны ад СССР у лік прэтэндэнтаў на прэмію "Оскар" у намінацыі "Лепшы фільм на замежнай мове".

Згодна з апытаннем чытачоў часопіса "Советский экран", "Ідзі і глядзі" прызнаны лепшым фільмам 1986 года, а ў далейшым замацаваўся ў многіх кінарэйтынгах, у тым ліку і замежных. Фільм утрымлівае рэйтынг у памеры 95 працэнтаў "свежасці" па шкале Rotten Tomatoes. Паводле версіі часопіса Time Out, карціна займае шосты радок у спісе "50 лепшых ваенных фільмаў усіх часоў", адначасова з'яўляючыся лепшым фільмам пра Другую сусветную вайну. У 2008 годзе брытанскі часопіс Empire ўключыў стужку ў спіс "500 вялікіх фільмаў усіх часоў". Паводле вынікаў апытання, праведзенага ў 2012 годзе брытанскім часопісам Sight & Sound сярод рэжысёраў, карціна заняла 30-е месца ў спісе лепшых фільмаў усіх часоў.

Карціна была адрэстаўрыравана спецыялістамі кінаканцэрна "Масфільм" і ў 2017 годзе атрымала галоўны прыз на 74-м Венецыянскім кінафестывалі ў намінацыі "Венецыянская класіка" за лепшы адрэстаўрыраваны фільм.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як падрыхтаваць аўтамабіль да зімы Зімовы набор аўтааматара: трос, правады для "прыкурвання", скрабок са шчоткай, рызінавыя дыванкі з высокім бортам, шчыток для радыятара.