Фота з архіва
6 снежня, Віцебск /Кар. БЕЛТА/. Упершыню ў Беларусі на ХХХVI Міжнародным музычным фестывалі імя Салярцінскага ў Віцебску будзе выкананы цыкл La Stravaganza - 12 скрыпічных канцэртаў Антоніа Вівальдзі. Аб гэтым карэспандэнту БЕЛТА паведамілі ў Віцебскай абласной філармоніі.
Дванаццаць скрыпічных канцэртаў, апублікаваных Антоніа Вівальдзі ў зборніку La Stravaganza ў 1716 годзе, цалкам апраўдваюць сваю назву. Дыяпазон іх выразнасці велізарны - ад пяшчотнай лірычнасці павольных частак да бурных і імкліва хуткіх. У іх партыя саліруючай скрыпкі надзвычай патрабавальная, экстравагантная і нястрымная, напоўненая імклівымі скачкамі і віртуознасцю.
Іх выканае струнны ансамбль Аляксея Загорскага з Мінска. Ён упершыню выступіць на музычным фестывалі імя Салярцінскага і чацвёрты раз у Віцебскай абласной філармоніі, дзе папярэднія выступленні праекта праходзілі пры поўных аншлагах.
Антрэпрызны камерны струнны калектыў быў створаны скрыпачом Аляксеем Загорскім у 2023 годзе. Яго асаблівасцю з'яўляецца імкненне да аўтэнтычнага выканання старадаўняй музыкі. Калектыў у розных складах падрыхтаваў чатыры вялікія праграмы з твораў Вівальдзі і Баха. Яны больш як 15 разоў былі выкананы ў розных гарадах Беларусі.
XXXVI Міжнародны музычны фестываль імя Салярцінскага стартаваў у Віцебску 3 снежня. Заўтра ў філармоніі выступяць камерны аркестр "Еўропа-Цэнтр" з Полацка, духавы квінтэт салістаў Вялікага тэатра Беларусі, 9 снежня - заслужаны артыст Мікіта Барысаглебскі (скрыпка), выкладчык Маскоўскай дзяржаўнай кансерваторыі імя П.І.Чайкоўскага Кацярына Дзяржавіна (фартэпіяна). 14 снежня фестываль закрые опера "Сельскі гонар" у выкананні Дзяржаўнага акадэмічнага сімфанічнага аркестра Рэспублікі Беларусь пад кіраўніцтвам дырыжора Аляксандра Анісімава сумесна не толькі з беларускімі, але і італьянскімі музыкантамі.-0-
Дванаццаць скрыпічных канцэртаў, апублікаваных Антоніа Вівальдзі ў зборніку La Stravaganza ў 1716 годзе, цалкам апраўдваюць сваю назву. Дыяпазон іх выразнасці велізарны - ад пяшчотнай лірычнасці павольных частак да бурных і імкліва хуткіх. У іх партыя саліруючай скрыпкі надзвычай патрабавальная, экстравагантная і нястрымная, напоўненая імклівымі скачкамі і віртуознасцю.
Іх выканае струнны ансамбль Аляксея Загорскага з Мінска. Ён упершыню выступіць на музычным фестывалі імя Салярцінскага і чацвёрты раз у Віцебскай абласной філармоніі, дзе папярэднія выступленні праекта праходзілі пры поўных аншлагах.
Антрэпрызны камерны струнны калектыў быў створаны скрыпачом Аляксеем Загорскім у 2023 годзе. Яго асаблівасцю з'яўляецца імкненне да аўтэнтычнага выканання старадаўняй музыкі. Калектыў у розных складах падрыхтаваў чатыры вялікія праграмы з твораў Вівальдзі і Баха. Яны больш як 15 разоў былі выкананы ў розных гарадах Беларусі.
XXXVI Міжнародны музычны фестываль імя Салярцінскага стартаваў у Віцебску 3 снежня. Заўтра ў філармоніі выступяць камерны аркестр "Еўропа-Цэнтр" з Полацка, духавы квінтэт салістаў Вялікага тэатра Беларусі, 9 снежня - заслужаны артыст Мікіта Барысаглебскі (скрыпка), выкладчык Маскоўскай дзяржаўнай кансерваторыі імя П.І.Чайкоўскага Кацярына Дзяржавіна (фартэпіяна). 14 снежня фестываль закрые опера "Сельскі гонар" у выкананні Дзяржаўнага акадэмічнага сімфанічнага аркестра Рэспублікі Беларусь пад кіраўніцтвам дырыжора Аляксандра Анісімава сумесна не толькі з беларускімі, але і італьянскімі музыкантамі.-0-
Падпісвайцеся на нас у
