5 снежня, Віцебск /Алена Аніськовіч - БЕЛТА/. Нацыянальны акадэмічны драматычны тэатр імя Якуба Коласа 5 снежня прадставіў у Віцебску прэм'еру спектакля "Тытанавая ведзьма", які пастаўлены паводле аднайменнай п'есы сучаснай беларускай пісьменніцы Улады Альхоўскай. Аб гэтым карэспандэнту БЕЛТА паведамілі ва ўстанове культуры.
Аўтар п'есы "Тытанавая ведзьма" Улада Альхоўская - сучасная беларуская пісьменніца, драматург, сцэнарыст, аўтар больш як 35 раманаў. Яна неаднаразова станавілася пераможцам міжнароднага конкурсу "Час драмы" пры Тэатральнай бібліятэцы Сяргея Яфімава. У 2025 годзе Улада Альхоўская ў Беларусі стала лаўрэатам Рэспубліканскага конкурсу "Нацыянальная літаратурная прэмія" ў намінацыі "Лепшы драматургічны твор" за зборнік п'ес для падлеткаў "Аватары тэатра". П'еса "Тытанавая ведзьма" - фіналіст незалежнага міжнароднага конкурсу сучаснай драматургіі "Зыходная падзея - XXI стагоддзе" (2019 год), увайшла ў лонг-ліст міжнароднага конкурсу сучаснай драматургіі "Час драмы, 2020, вясна". Упершыню пастаўлена ў 2021 годзе ў Цюрыху (Швейцарыя).
Як расказаў напярэдадні прэм'еры мастацкі кіраўнік тэатра Канстанцін Ганчароў, паставіць гэту п'есу прапанаваў работнік тэатра Юрый Генадзьевіч Іваноўскі, які стаў рэжысёрам спектакля. "Калі яе прачытаў, у мяне адразу ўзнікла адчуванне, што яна патрэбна нашаму тэатру. П'еса напісана сучаснай мовай, для новай катэгорыі гледачоў. Яна крыху выбіваецца з класічных пастановак тэатра, у чымсьці эксперыментальная. Тут адразу пераплецены тры жанры - драма, камедыя і трылер. Пры гэтым, калі мы думалі над жанрам пастаноўкі, нічога з гэтага не змаглі выкінуць. Злучаны драматычная гісторыя, камедыйныя моманты і трылераўскі сучасны сюжэт", - адзначыў Канстанцін Ганчароў. Ён дадаў, што большую частку акцёрскага складу спектакля складае моладзь. "Працаваць з моладдзю заўсёды цікава, хлопцы і дзяўчаты зараджаны, заўсёды вельмі перажываюць і эмацыянальна ўключаны ў работу. Яны як бы падганяюць цябе, гатовы творча працаваць разам з табой. Хацелася б далучыць да мастацтва праз гэту пастаноўку моладзь, якая да гэтага па тых ці іншых прычынах не хадзіла ў тэатр", - сказаў Канстанцін Ганчароў.
Драматычна-камедыйны трылер у двух дзеях прадставілі на камернай сцэне драмтэатра. Згодна з сюжэтам, вопытны ашуканец Віктар атрымаў мяккі прыгавор - турэмнае зняволенне замянілі ўдзелам у спецыяльным сацыяльным праекце. Герой павінен даглядаць маладую дзяўчыну Марту, прыкаваную да інваліднага крэсла. Ён спадзяваўся, што яна не створыць яму вялікіх праблем і гэты месяц для яго будзе "амаль курортам". Аднак замест ціхай дзяўчыны яго сустракае ведзьма, здольная ператварыць яго жыццё ў сапраўдны кашмар.
Галоўную ролю выканала Алена Меркушава. Яна сыграла маладую дзяўчыну Марту. "Гэта мая першая сур'ёзная роля і вельмі цяжкая. У маёй гераіні было ўсё, але ў адзін момант у яе зніклі ўсе планы на жыццё. Характар стаў тытанавы, стальны. Нават стала заўважаць, што ў жыцці яго праяўляю. Ролю прапусціла цераз сябе", - расказала Алена Меркушава.
Другую галоўную ролю сыграў Антон Бараноўскі. "Я выканаў ролю Віктара - махляра, які трапіў у сацыяльны праект па доглядзе непрацаздольных людзей. Не магу сказаць, што яна складаная, па духу яна мне вельмі блізкая. Гэта мая роля", - сказаў акцёр.
Паказ спектакля таксама адбудзецца 6 снежня.-0-
Аўтар п'есы "Тытанавая ведзьма" Улада Альхоўская - сучасная беларуская пісьменніца, драматург, сцэнарыст, аўтар больш як 35 раманаў. Яна неаднаразова станавілася пераможцам міжнароднага конкурсу "Час драмы" пры Тэатральнай бібліятэцы Сяргея Яфімава. У 2025 годзе Улада Альхоўская ў Беларусі стала лаўрэатам Рэспубліканскага конкурсу "Нацыянальная літаратурная прэмія" ў намінацыі "Лепшы драматургічны твор" за зборнік п'ес для падлеткаў "Аватары тэатра". П'еса "Тытанавая ведзьма" - фіналіст незалежнага міжнароднага конкурсу сучаснай драматургіі "Зыходная падзея - XXI стагоддзе" (2019 год), увайшла ў лонг-ліст міжнароднага конкурсу сучаснай драматургіі "Час драмы, 2020, вясна". Упершыню пастаўлена ў 2021 годзе ў Цюрыху (Швейцарыя).
Як расказаў напярэдадні прэм'еры мастацкі кіраўнік тэатра Канстанцін Ганчароў, паставіць гэту п'есу прапанаваў работнік тэатра Юрый Генадзьевіч Іваноўскі, які стаў рэжысёрам спектакля. "Калі яе прачытаў, у мяне адразу ўзнікла адчуванне, што яна патрэбна нашаму тэатру. П'еса напісана сучаснай мовай, для новай катэгорыі гледачоў. Яна крыху выбіваецца з класічных пастановак тэатра, у чымсьці эксперыментальная. Тут адразу пераплецены тры жанры - драма, камедыя і трылер. Пры гэтым, калі мы думалі над жанрам пастаноўкі, нічога з гэтага не змаглі выкінуць. Злучаны драматычная гісторыя, камедыйныя моманты і трылераўскі сучасны сюжэт", - адзначыў Канстанцін Ганчароў. Ён дадаў, што большую частку акцёрскага складу спектакля складае моладзь. "Працаваць з моладдзю заўсёды цікава, хлопцы і дзяўчаты зараджаны, заўсёды вельмі перажываюць і эмацыянальна ўключаны ў работу. Яны як бы падганяюць цябе, гатовы творча працаваць разам з табой. Хацелася б далучыць да мастацтва праз гэту пастаноўку моладзь, якая да гэтага па тых ці іншых прычынах не хадзіла ў тэатр", - сказаў Канстанцін Ганчароў.
Драматычна-камедыйны трылер у двух дзеях прадставілі на камернай сцэне драмтэатра. Згодна з сюжэтам, вопытны ашуканец Віктар атрымаў мяккі прыгавор - турэмнае зняволенне замянілі ўдзелам у спецыяльным сацыяльным праекце. Герой павінен даглядаць маладую дзяўчыну Марту, прыкаваную да інваліднага крэсла. Ён спадзяваўся, што яна не створыць яму вялікіх праблем і гэты месяц для яго будзе "амаль курортам". Аднак замест ціхай дзяўчыны яго сустракае ведзьма, здольная ператварыць яго жыццё ў сапраўдны кашмар.
Галоўную ролю выканала Алена Меркушава. Яна сыграла маладую дзяўчыну Марту. "Гэта мая першая сур'ёзная роля і вельмі цяжкая. У маёй гераіні было ўсё, але ў адзін момант у яе зніклі ўсе планы на жыццё. Характар стаў тытанавы, стальны. Нават стала заўважаць, што ў жыцці яго праяўляю. Ролю прапусціла цераз сябе", - расказала Алена Меркушава.
Другую галоўную ролю сыграў Антон Бараноўскі. "Я выканаў ролю Віктара - махляра, які трапіў у сацыяльны праект па доглядзе непрацаздольных людзей. Не магу сказаць, што яна складаная, па духу яна мне вельмі блізкая. Гэта мая роля", - сказаў акцёр.
Паказ спектакля таксама адбудзецца 6 снежня.-0-
Падпісвайцеся на нас у
