Фота арганізатараў
11 кастрычніка, Віцебск /Кар. БЕЛТА/. Выстава "Беларускі народны: код нацыянальнай якасці. Шэдэўры народных мастакоў" адкрылася сёння ў Віцебскім абласным краязнаўчым музеі. Аб гэтым карэспандэнту БЕЛТА паведамілі ў аддзеле беларускага мастацтва XX-XXI стст. Нацыянальнага мастацкага музея Рэспублікі Беларусь.
Экспазіцыя, якую Нацыянальны мастацкі музей падрыхтаваў у год святкавання 85-гадовага юбілею, уключае больш за 30 твораў жывапісу, графікі і скульптуры. Аўтары гэтых работ - уладальнікі ганаровых званняў "Народны мастак БССР" і "Народны мастак Беларусі", якім і прысвечана выстава. Размова пра людзей, творы якіх па праву лічацца класікай і эталонам беларускага выяўленчага мастацтва ХХ - пачатку ХХІ стагоддзя.
Партрэты, у тым ліку скульптурныя, кампазіцыю, пейзаж, лірычны пейзаж, які паказвае хараство беларускай зямлі, - паводле слоў арганізатараў, у праекце імкнуліся сумясціць усю жанравую разнастайнасць.
"Сярод мастакоў, якія нарадзіліся на віцебскай зямлі, на гэтай выставе прадстаўлены творы Заіра Ісакавіча Азгура, першага мастака, які атрымаў званне народнага мастака БССР, Міхаіла Андрэевіча Савіцкага і Леаніда Дзмітрыевіча Шчамялёва", - адзначылі ў аддзеле беларускага мастацтва.
Маштабны перасовачны праект упершыню быў прадстаўлены ў канцы лютага ў Бялынічах, якія ў бягучым годзе атрымалі статус "Культурная сталіца года". Потым экспазіцыя пабывала ў Брэсце, Гомелі. У Віцебску азнаёміцца з работамі можна будзе да 17 лістапада. Пазней выставу "Беларускі народны: код нацыянальнай якасці. Шэдэўры народных мастакоў" убачаць у Гродне і Магілёве.
Акцэнт у экспазіцыі робяць з улікам рэгіёна і горада, дзе экспануюцца работы. "У гэты праект мы ўключылі партрэт Аляксея Фёдаравіча Данукалава, партызана, які ўдзельнічаў у вызваленні Віцебшчыны, і чыё імя шануецца на віцебскай зямлі. Часта мы перафармаціруем наш праект за кошт твораў, якія будуць цікавыя гледачу ў той мясцовасці, дзе мы прадстаўляем гэты праект".-0-
Экспазіцыя, якую Нацыянальны мастацкі музей падрыхтаваў у год святкавання 85-гадовага юбілею, уключае больш за 30 твораў жывапісу, графікі і скульптуры. Аўтары гэтых работ - уладальнікі ганаровых званняў "Народны мастак БССР" і "Народны мастак Беларусі", якім і прысвечана выстава. Размова пра людзей, творы якіх па праву лічацца класікай і эталонам беларускага выяўленчага мастацтва ХХ - пачатку ХХІ стагоддзя.
Партрэты, у тым ліку скульптурныя, кампазіцыю, пейзаж, лірычны пейзаж, які паказвае хараство беларускай зямлі, - паводле слоў арганізатараў, у праекце імкнуліся сумясціць усю жанравую разнастайнасць.
"Сярод мастакоў, якія нарадзіліся на віцебскай зямлі, на гэтай выставе прадстаўлены творы Заіра Ісакавіча Азгура, першага мастака, які атрымаў званне народнага мастака БССР, Міхаіла Андрэевіча Савіцкага і Леаніда Дзмітрыевіча Шчамялёва", - адзначылі ў аддзеле беларускага мастацтва.
Маштабны перасовачны праект упершыню быў прадстаўлены ў канцы лютага ў Бялынічах, якія ў бягучым годзе атрымалі статус "Культурная сталіца года". Потым экспазіцыя пабывала ў Брэсце, Гомелі. У Віцебску азнаёміцца з работамі можна будзе да 17 лістапада. Пазней выставу "Беларускі народны: код нацыянальнай якасці. Шэдэўры народных мастакоў" убачаць у Гродне і Магілёве.
Акцэнт у экспазіцыі робяць з улікам рэгіёна і горада, дзе экспануюцца работы. "У гэты праект мы ўключылі партрэт Аляксея Фёдаравіча Данукалава, партызана, які ўдзельнічаў у вызваленні Віцебшчыны, і чыё імя шануецца на віцебскай зямлі. Часта мы перафармаціруем наш праект за кошт твораў, якія будуць цікавыя гледачу ў той мясцовасці, дзе мы прадстаўляем гэты праект".-0-
Падпісвайцеся на нас у
