Мабільная версія
ДЗЯРЖОРГАНЫ

Апошнія навіны
Усе навіны

Беларускую Масленіцу адсвяткавалі на Сардзініі

Культура 22.02.2018 | 15:34
Фота консульскай акругі Аўтаномны рэгіён Сардзінія - Італія
Фота консульскай акругі Аўтаномны рэгіён Сардзінія - Італія

22 лютага, Мінск /Кар. БЕЛТА/. Беларускую Масленіцу адсвяткавалі на Сардзініі, паведаміў БЕЛТА ганаровы консул Беларусі ў г. Кальяры (Сардзінія) Джузэпэ Карбоні.

Паводле яго слоў, мерапрыемства, арганізаванае прадстаўнікамі постсавецкай дыяспары, якія пражываюць на тэрыторыі Аўтаномнага рэгіёна Сардзінія дзякуючы ініцыятыве Ганаровага консульства Беларусі, выклікала вялікую цікавасць у мясцовых жыхароў.

У святкаванні Масленіцы ў сталіцы рэгіёна горадзе Кальяры прынялі ўдзел беларускія артысты: акардэаніст Уладзімір Гінько і цымбалістка Марыя Кучынская. Беларускіх музыкантаў вельмі цёпла прымалі. Масленіца запомнілася сваім шэсцем па вуліцах раёна Марына ў Кальяры ў суправаджэнні музыкі, песень, танцаў, забаў, карагодаў, гульняў з уручэннем прызоў і падарункаў. І вядома, не абышлося без асноўных сімвалаў гэтага свята - бліноў і пудзіла. Больш за 400 бліноў былі раздадзены бясплатна тым, хто прыйшоў. А спяклі іх валанцёры беларускай дыяспары. Яны ж шылі касцюмы, рыхтавалі дэкарацыі, прымалі ўдзел у арганізацыі першых адкрытых гулянняў у гонар Масленіцы на Сардзініі. Галоўнымі героямі свята сталі дзеці, якія былі актыўнымі ў конкурсах, танцах, карагодах і іншых забавах, арганізаваных з нагоды свята. Маленькім удзельнікам шэсця былі ўручаны сувеніры і памятныя прызы.

Арганізацыя такога свята стала добрай традыцыяй: у 2017 годзе, які быў абвешчаны Годам беларускай культуры на Сардзініі, больш за 180 беларускіх артыстаў выступілі на святах у Аўтаномным рэгіёне. Пачатак 2018 года таксама адзначаны мерапрыемствамі, прысвечанымі беларускай культуры: у студзені з вялікім поспехам прайшлі два канцэрты артыстаў квартэта Music kvatro з горада Бабруйска. Жыхары Сардзініі заўсёды з інтарэсам удзельнічаюць у мерапрыемствах, арганізаваных Ганаровым консульствам Беларусі на Сардзініі.-0-

Фота консульскай акругі Аўтаномны рэгіён Сардзінія - Італія

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Графік работы ўстаноў аховы здароўя ў снежаньскія выхадныя і святы У Беларусі зменены графік работы ўстаноў аховы здароўя ў выхадныя і святочныя дні ў снежні 2018 года.