Новая рэдакцыя Банкаўскага кодэкса Беларусі, якая ўступіла ў сілу 22 студзеня, прынесла значныя змяненні ў сферу безнаяўных разлікаў. У прыватнасці, з абноўленага кодэкса выключылі тэрмін "карт-рахунак", а тэрмін "банкаўская пластыкавая картка" замянілі на "банкаўская плацежная картка". У сувязі з гэтымі змяненнямі ўсім маючым карт-рахункі фізічным і юрыдычным асобам, а таксама індывідуальным прадпрымальнікам трэба будзе ў 2013 годзе звярнуцца ў банкі для перазаключэння дагавораў да сваіх плацежных картак.
Даведацца, які рахунак адкрыты да вашай карткі, можна заглянуўшы ў дагавор, заключаны з банкам, пазваніўшы ў кантакт-цэнтр банкаўскай установы, а таксама па тэлефоне, пазначанаму на адваротным баку карткі, або звярнуўшыся непасрэдна ў банк. Акрамя таго, самі банкі таксама пачалі інфармаванне сваіх кліентаў, размясціўшы ўказанні да дзеяння на сайтах і разаслаўшы іх у электронным выглядзе.
У выпадку калі адкрыты карт-рахунак, чалавеку неабходна звярнуцца з пашпартам у аддзяленне банка, дзе была аформлена картка. Там яму прапануюць заключыць дадатковае пагадненне да дагавора карт-рахунку, прымаючы пад увагу, што ён быў перааформлены банкам на бягучы рахунак у адпаведнасці са змяненнямі ў Банкаўскі кодэкс, якія ўступілі ў сілу. Пры гэтым пераважна ніякіх змяненняў ва ўмовах выкарыстання свайго рахунку кліент не адчуе.
Гэта працэдура не патрабуе змены карткі і дадатковых затрат, звяртаюць увагу ў банках. Пры гэтым раней выдадзеная плацежная картка будзе функцыянаваць да канца свайго тэрміну. Адзіны нюанс - выканаць названыя дзеянні неабходна да канца 2013 года, таму што потым рахунак будзе закрыты, а выдадзеная да яго банкаўская картка, адпаведна, стане несапраўднай.
Нягледзячы на вялікі аб'ём работы для банкаў, наперадзе звычайная аперацыя, адзначаюць у саміх банкаўскіх установах. Да таго ж праходзіць яе давядзецца не ўсім уладальнікам плацежных картак. У некаторых банках карткі для фізічных асоб выпускалі адразу да бягучых рахункаў. Такая сітуацыя, напрыклад, у ААТ "Банк БелЗЭБ". Што датычыцца юрыдычных асоб і індывідуальных прадпрымальнікаў, то аб парадку і неабходнасці пераафармлення дагавораў да карт-рахункаў яны былі праінфармаваны банкам загадзя.
У ААТ "Белінвестбанк", які ўваходзіць у лік лідараў па эмісіі плацежных картак у Беларусі, да працэдуры пераафармлення дагавораў таксама падышлі з усёй адказнасцю. Заключыць дадатковыя пагадненні ў гэтым банку давядзецца не толькі юрыдычным асобам і індывідуальным прадпрымальнікам, але і ўсім фізічным асобам. Цяпер банк задзейнічаў праграмнае забеспячэнне, якое пры падключэнні кліентам якога-небудзь сэрвісу, які датычыцца карткі, або правядзенні іншых аналагічных дзеянняў прапануе яму заключыць новую форму дагавора з улікам усіх змяненняў, якія ўступілі ў сілу з 22 студзеня. Таксама кліенты праінфармаваны на сайце банка, пры дапамозе электронных пісем, сістэмы дыстанцыйнага банкаўскага абслугоўвання.
У Нацыянальным банку неабходнасць змяненняў тлумачаць імкненнем уніфікаваць работу банкаў з кліентамі, забяспечыць аптымальную колькасць рахункаў, што адкрываюцца кліентам, а ў будучым зменшыць колькасць заключаных банкамі асобных дагавораў з кожным з кліентаў, аказваць ім у рамках аднаго дагавора поўны комплекс паслуг па аддаленаму доступу да рахунку ў банку. Інакш кажучы, банкіры выступаюць за скарачэнне колькасці рахункаў на карысць пашырэння інструментаў для правядзення аперацый з імі.
Раней для адлюстравання аперацый з дапамогай банкаўскіх картак фiзiчнай або юрыдычнай асобе патрэбна было адкрыць спецыяльны карт-рахунак. Цяпер жа развіццё сучасных інфармацыйных тэхналогій дае магчымасць перадаваць плацежныя інструкцыі кліента ў банк не толькі з выкарыстаннем картак, але і з дапамогай такіх сістэм дыстанцыйнага банкаўскага абслугоўвання, як Інтэрнэт-банкінг, Мабільны банкінг, СМС-банкінг і ТБ-банкінг, калі такая магчымасць прадугледжана дагаворам паміж банкам і кліентам. "Улічваючы, што рэжым функцыянавання карт-рахункаў і бягучых рахункаў аналагічны, неабходнасць у заключэнні асобнага дагавора карт-рахунку цяпер адсутнічае", - растлумачылі ў Нацыянальным банку.
Пры эмісіі банкам плацежнай карткі з кліентам будуць заключацца дагавор бягучага (разліковага) банкаўскага рахунку, дагавор банкаўскага ўкладу (дэпазіту) або крэдытны дагавор. Адной з умоў такіх дагавораў будзе вызначана магчымасць распараджэння грашовымі сродкамі з выкарыстаннем плацежнай карткі. Калі па жаданню кліента банк выпускае ў абарачэнне плацежную картку да ўжо існуючага рахунку кліента ў банку, то з кліентам будзе заключацца дадатковае пагадненне да дзеючага дагавора бягучага (разліковага) банкаўскага рахунку або дагавора банкаўскага ўкладу (дэпазіту).
"Гэты падыход дае магчымасць прадаставіць кліентам шырокі спектр банкаўскіх паслуг і магчымасць распараджацца грашовымі сродкамі на рахунку ў банку аператыўна, з выкарыстаннем розных плацежных інструментаў, у зручны для кліента час, не выходзячы з дому або офіса, а таксама атрымліваць даход ад размяшчэння грашовых сродкаў на рахунку", - рэзюмавалі ў Нацбанку.
Ганна КОТ,
БЕЛТА.
Даведацца, які рахунак адкрыты да вашай карткі, можна заглянуўшы ў дагавор, заключаны з банкам, пазваніўшы ў кантакт-цэнтр банкаўскай установы, а таксама па тэлефоне, пазначанаму на адваротным баку карткі, або звярнуўшыся непасрэдна ў банк. Акрамя таго, самі банкі таксама пачалі інфармаванне сваіх кліентаў, размясціўшы ўказанні да дзеяння на сайтах і разаслаўшы іх у электронным выглядзе.
У выпадку калі адкрыты карт-рахунак, чалавеку неабходна звярнуцца з пашпартам у аддзяленне банка, дзе была аформлена картка. Там яму прапануюць заключыць дадатковае пагадненне да дагавора карт-рахунку, прымаючы пад увагу, што ён быў перааформлены банкам на бягучы рахунак у адпаведнасці са змяненнямі ў Банкаўскі кодэкс, якія ўступілі ў сілу. Пры гэтым пераважна ніякіх змяненняў ва ўмовах выкарыстання свайго рахунку кліент не адчуе.
Гэта працэдура не патрабуе змены карткі і дадатковых затрат, звяртаюць увагу ў банках. Пры гэтым раней выдадзеная плацежная картка будзе функцыянаваць да канца свайго тэрміну. Адзіны нюанс - выканаць названыя дзеянні неабходна да канца 2013 года, таму што потым рахунак будзе закрыты, а выдадзеная да яго банкаўская картка, адпаведна, стане несапраўднай.
Нягледзячы на вялікі аб'ём работы для банкаў, наперадзе звычайная аперацыя, адзначаюць у саміх банкаўскіх установах. Да таго ж праходзіць яе давядзецца не ўсім уладальнікам плацежных картак. У некаторых банках карткі для фізічных асоб выпускалі адразу да бягучых рахункаў. Такая сітуацыя, напрыклад, у ААТ "Банк БелЗЭБ". Што датычыцца юрыдычных асоб і індывідуальных прадпрымальнікаў, то аб парадку і неабходнасці пераафармлення дагавораў да карт-рахункаў яны былі праінфармаваны банкам загадзя.
У ААТ "Белінвестбанк", які ўваходзіць у лік лідараў па эмісіі плацежных картак у Беларусі, да працэдуры пераафармлення дагавораў таксама падышлі з усёй адказнасцю. Заключыць дадатковыя пагадненні ў гэтым банку давядзецца не толькі юрыдычным асобам і індывідуальным прадпрымальнікам, але і ўсім фізічным асобам. Цяпер банк задзейнічаў праграмнае забеспячэнне, якое пры падключэнні кліентам якога-небудзь сэрвісу, які датычыцца карткі, або правядзенні іншых аналагічных дзеянняў прапануе яму заключыць новую форму дагавора з улікам усіх змяненняў, якія ўступілі ў сілу з 22 студзеня. Таксама кліенты праінфармаваны на сайце банка, пры дапамозе электронных пісем, сістэмы дыстанцыйнага банкаўскага абслугоўвання.
У Нацыянальным банку неабходнасць змяненняў тлумачаць імкненнем уніфікаваць работу банкаў з кліентамі, забяспечыць аптымальную колькасць рахункаў, што адкрываюцца кліентам, а ў будучым зменшыць колькасць заключаных банкамі асобных дагавораў з кожным з кліентаў, аказваць ім у рамках аднаго дагавора поўны комплекс паслуг па аддаленаму доступу да рахунку ў банку. Інакш кажучы, банкіры выступаюць за скарачэнне колькасці рахункаў на карысць пашырэння інструментаў для правядзення аперацый з імі.
Раней для адлюстравання аперацый з дапамогай банкаўскіх картак фiзiчнай або юрыдычнай асобе патрэбна было адкрыць спецыяльны карт-рахунак. Цяпер жа развіццё сучасных інфармацыйных тэхналогій дае магчымасць перадаваць плацежныя інструкцыі кліента ў банк не толькі з выкарыстаннем картак, але і з дапамогай такіх сістэм дыстанцыйнага банкаўскага абслугоўвання, як Інтэрнэт-банкінг, Мабільны банкінг, СМС-банкінг і ТБ-банкінг, калі такая магчымасць прадугледжана дагаворам паміж банкам і кліентам. "Улічваючы, што рэжым функцыянавання карт-рахункаў і бягучых рахункаў аналагічны, неабходнасць у заключэнні асобнага дагавора карт-рахунку цяпер адсутнічае", - растлумачылі ў Нацыянальным банку.
Пры эмісіі банкам плацежнай карткі з кліентам будуць заключацца дагавор бягучага (разліковага) банкаўскага рахунку, дагавор банкаўскага ўкладу (дэпазіту) або крэдытны дагавор. Адной з умоў такіх дагавораў будзе вызначана магчымасць распараджэння грашовымі сродкамі з выкарыстаннем плацежнай карткі. Калі па жаданню кліента банк выпускае ў абарачэнне плацежную картку да ўжо існуючага рахунку кліента ў банку, то з кліентам будзе заключацца дадатковае пагадненне да дзеючага дагавора бягучага (разліковага) банкаўскага рахунку або дагавора банкаўскага ўкладу (дэпазіту).
"Гэты падыход дае магчымасць прадаставіць кліентам шырокі спектр банкаўскіх паслуг і магчымасць распараджацца грашовымі сродкамі на рахунку ў банку аператыўна, з выкарыстаннем розных плацежных інструментаў, у зручны для кліента час, не выходзячы з дому або офіса, а таксама атрымліваць даход ад размяшчэння грашовых сродкаў на рахунку", - рэзюмавалі ў Нацбанку.
Ганна КОТ,
БЕЛТА.
