17 мая, Мінск /Кар. БЕЛТА/. Начныя замаразкі да мінус 2 градусаў чакаюцца ў Беларусі 18 мая. Аб гэтым паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У сераду, 18 мая, уначы і раніцай будзе воблачна з праясненнямі, па ўсходняй палове пройдуць кароткачасовыя дажджы. Удзень пераменная воблачнасць, пераважна без ападкаў. Вецер паўночны 4-9 м/с, удзень месцамі парывы могуць дасягаць 14 м/с.
Тэмпература паветра ўначы складзе 1-7 градусаў, у асобных раёнах на захадзе на глебе будуць замаразкі ад 0 да мінус 2 градусаў. Удзень паветра прагрэецца да 12-18 градусаў цяпла.-0-