Мабільная версія
ДЗЯРЖОРГАНЫ
Апошнія навіны
Усе навіны

Лукашэнка бачыць асновай партнёрства з ЕС гандлёва-эканамічныя адносіны

Прэзідэнт 21.06.2018 | 12:48
У час сустрэчы
У час сустрэчы

21 чэрвеня, Мінск /Аліна Грышкевіч - БЕЛТА/. Прэзідэнт Беларусі Аляксандр Лукашэнка бачыць асновай партнёрства з ЕС гандлёва-эканамічныя адносіны. Аб гэтым кіраўнік дзяржавы заявіў сёння на сустрэчы з еўракамісарам па еўрапейскай палітыцы суседства і перагаворах аб пашырэнні ЕС Ёханесам Ханам, перадае карэспандэнт БЕЛТА.

"Выбудоўваючы адносіны з той ці іншай краінай, аб'яднаннем, мы з вамі як вопытныя палітыкі цудоўна разумеем, што лепш апярэджваць нейкія падзеі, лепш самім аднаўляць і ўстанаўліваць цесныя і добрыя адносіны. Горш, калі гэта адбываецца пад націскам якія-небудзь акалічнасцей, падзей. Таму нам трэба мэтанакіравана, смела і адкрыта ісці насустрач адзін аднаму, без націску акалічнасцей", - упэўнены кіраўнік дзяржавы.

Ён таксама заўважыў, што Беларусь, "нягледзячы на пэўныя цяжкасці, часам нават вельмі складаныя, ніколі не была перашкодай для вашага руху на Усход, у Расію, Кітайскую Народную Рэспубліку, можа, нават у Японію". "Мы заўсёды былі добрым транзітным акном для Еўрапейскага саюза, ніколі не забаранялі вашаму бізнесу рух вашых тавараў, рабочай сілы, капіталу ў Беларусь і цераз Беларусь", - звярнуў увагу Аляксандр Лукашэнка.

Разам з гэтым Прэзідэнт падкрэсліў: "На жаль, спадар Хан, мы гэтага не бачым з боку Еўрапейскага саюза. Я хачу, каб вы разумелі: мы будзем настойваць на тым, каб Еўрапейскі саюз гэтак жа адкрываўся для нас, як мы адкрыты для вас. Гэта галоўная праблема і галоўнае пытанне. Таму што гандлёва-эканамічныя адносіны, свабода, аб якой Еўрасаюз дбае (у шырокім сэнсе гэтага слова - свабода для бізнесу, грамадзян) - гэта асноватворныя прынцыпы, на якіх грунтуецца тая ці іншая дзяржава".-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Шкала колеравых узроўняў небяспекі надвор'я Колеравая індыкацыя для папярэджання насельніцтва аб складаных умовах надвор'я і надзвычайных сітуацыях шырока выкарыстоўваецца ў свеце.