27 чэрвеня, Мінск /Кар. БЕЛТА/. В'етнам разлічвае на далейшую падтрымку з боку Беларусі на міжнароднай арэне. Аб гэтым заявіў Прэзідэнт В'етнама Чан Дай Куанг у час перагавораў з Прэзідэнтам Беларусі Аляксандрам Лукашэнкам у пашыраным складзе, перадае карэспандэнт БЕЛТА.
Кіраўнік дзяржавы выказаў удзячнасць беларускаму боку за падтрымку, аказаную В'етнаму пры яго выбранні ў склад шэрага міжнародных структур. "Спадзяёмся, што Беларусь будзе прадаўжаць падтрымліваць нашу кандыдатуру, у прыватнасці, у Савет Бяспекі ААН на 2020-2021 гады", - сказаў Чан Дай Куанг.
Беларусь і В'етнам маюць падобныя пазіцыі па ключавых пытаннях міжнароднага парадку дня, актыўна падтрымліваюць адзін аднаго ў міжнародных арганізацыях. Так, беларускі бок падтрымаў кандыдатуру В'етнама на выбарах у Эканамічны і сацыяльны савет ААН (ЭКАСАС) на 2016-2018 гады і ў склад Камісіі міжнароднага права ААН на 2017-2021 гады.-0-
