18 жніўня, Мінск /Аліна Грышкевіч - БЕЛТА/. Кітай разглядае маючы адбыцца візіт Прэзідэнта Беларусі Аляксандра Лукашэнкі ў Пекін як важнейшую падзею ў беларуска-кітайскіх адносінах у бягучым годзе. Аб гэтым заявіў член Палітбюро Цэнтральнага камітэта Камуністычнай партыі Кітая, сакратар палітыка-юрыдычнай камісіі ЦК КПК Мэн Цзяньчжу на сустрэчы з кіраўніком беларускай дзяржавы, перадае карэспандэнт БЕЛТА.
Мэн Цзяньчжу падкрэсліў, што ён прыехаў з прадстаўнічай кітайскай дэлегацыяй у тым ліку для падрыхтоўкі візіту беларускага лідара ў Кітай. "Мы спадзяёмся на эфектыўную работу ў Беларусі і на тое, што ўнясём свой уклад у развіццё традыцыйна дружалюбных двухбаковых адносін", - сказаў ён.
Член Палітбюро ЦК КПК перадаў найлепшыя пажаданні ад Старшыні КНР Сі Цзіньпіна, які чакае з візітам у Пекін Аляксандра Лукашэнку ў верасні.
Кітайскі госць адзначыў, што па выніках маючых адбыцца ў кітайскай сталіцы перагавораў на вышэйшым узроўні чакаецца падпісанне шэрага важных беларуска-кітайскіх дакументаў, накіраваных на ўмацаванне дагаворна-прававой базы супрацоўніцтва паміж Рэспублікай Беларусь і Кітайскай Народнай Рэспублікай.
На думку кітайскага боку, візіт у Кітай Аляксандра Лукашэнкі павінен надаць новы імпульс развіццю сувязей паміж дзвюма дзяржавамі.-0-
