29 лістапада, Баку /Міхаіл Маціеўскі - БЕЛТА/. Азербайджан гатовы абараняць Беларусь ад неабгрунтаваных нападкаў у міжнародных арганізацыях. Аб гэтым Прэзідэнт Азербайджана Ільхам Аліеў заявіў на сустрэчы з прадстаўнікамі СМІ ў час візіту Прэзідэнта Беларусі Аляксандра Лукашэнкі, перадае карэспандэнт БЕЛТА.
Ільхам Аліеў адзначыў, што Беларусь і Азербайджан актыўна падтрымліваюць адно аднаго на міжнароднай арэне. Асабліва каштоўна, падкрэсліў Прэзідэнт, калі краіны падтрымліваюць адна адну або выказваюцца ў тых арганізацыях, у якіх не з'яўляюцца членамі.
"Мы ведаем, калі ў рамках гэтых структур будуць спробы неабгрунтаваных нападкаў на нашы краіны, мы заўсёды выкажам прынцыповую пазіцыю. Мы даражым гэтым узроўнем супрацоўніцтва", - заявіў кіраўнік дзяржавы.-0-
