5 лютага, Мінск /Кар. БЕЛТА/. Сур'ёзныя пастаўшчыкі тавараў зацікаўлены ў правядзенні санітарна-гігіенічнай экспертызы. Аб гэтым заявіў намеснік міністра аховы здароўя - галоўны дзяржаўны санітарны ўрач Беларусі Ігар Гаеўскі на брыфінгу ў прэс-цэнтры БЕЛТА, прысвечаным пацвярджэнню адпаведнасці тэхнічнаму рэгламенту Мытнага саюза тавараў лёгкай прамысловасці, што рэалізуюцца ІП на рынках.
"Сёння раздражнення гэта працэдура (правядзенне санітарна-гігіенічнай экспертызы. - Заўвага БЕЛТА) ні ў каго не выклікае. На сустрэчах з прадстаўнікамі свету прадпрымальнікаў, з прадстаўнікамі замежных кампаній, якія прыязджаюць на наш рынак і жадаюць гандляваць, мы ўсё расказалі, і яны згадзіліся. І сур'ёзныя пастаўшчыкі тавараў падтрымліваюць гэту меру", - адзначыў Ігар Гаеўскі.
Паводле яго слоў, падтрымка звязана з тым, што цяпер пад выглядам сур'ёзных брэндаў могуць прадавацца фальсіфікаваныя тавары. "Гэта ўрон, калі вядомыя пастаўшчыкі вымушаны канкурыраваць з ценявым рынкам, ценявым вытворцам. Таму яны зацікаўлены, каб санітарна-гігіенічная экспертыза была, каб яе трэба было прайсці ўсім, і за рамкамі засталіся тыя прадпрымальнікі, якія не хочуць гандляваць нармальным таварам", - растлумачыў Ігар Гаеўскі.
Дзяржаўная санітарна-гігіенічная экспертыза прадукцыі замежнай вытворчасці з выдачай санітарна-гігіенічнага заключэння ўведзена пастановай Савета Міністраў нумар 666 ад 6 жніўня 2015 года, якая ўступіла ў сілу 27 жніўня 2015 года, у мэтах забеспячэння санітарна-эпідэміялагічнай стабільнасці насельніцтва і прадухілення паступлення на тэрыторыю Беларусі небяспечнай прадукцыі імпартнай вытворчасці.-0-
