13 ліпеня, Мінск /Кар. БЕЛТА/. Шырокая грашовая маса ў Беларусі, якая ўключае наяўныя грошы ў абарачэнні, сродкі насельніцтва і прадпрыемстваў на рахунках у банках, на 1 ліпеня склала Br39,149 млрд, павялічыўшыся ў параўнанні з паказчыкам на 1 чэрвеня на 0,7 працэнта. Такія даныя размешчаны на сайце Нацыянальнага банка Беларусі, паведамляе БЕЛТА.
Аб'ём наяўных грошай у абароце (грашовы агрэгат M0) за чэрвень павялічыўся да Br2,663 млрд, або прыкладна на 5,5 працэнта.
Актыўная рублёвая грашовая маса - грашовы агрэгат M1, які ўключае наяўныя грошы ў абароце і пераводныя дэпазіты ў нацыянальнай валюце (сродкі на бягучых рублёвых рахунках, уклады да запатрабавання ў рублях, іншыя рахункі ў рублях), - у чэрвені ўзрасла на 9,5 працэнта і склала Br7,426 млрд.
Грашовы агрэгат М2 (грашовая маса ў нацыянальным вызначэнні), які ўключае агрэгат М1 і іншыя (тэрміновыя, умоўныя) дэпазіты ў нацыянальнай валюце, на 1 ліпеня склаўся на ўзроўні Br14,102 млрд, павялічыўшыся за чэрвень на 5,7 працэнта.
Аб'ём каштоўных папер, выпушчаных банкамі (па-за банкаўскім абаротам) у нацыянальнай валюце, за чэрвень узрос да Br773,3 млн, або на 9,4 працэнта.
Рублёвая грашовая маса (грашовы агрэгат М2*), якая акрамя агрэгата М1 уключае іншыя (тэрміновыя, умоўныя) рублёвыя дэпазіты, сродкі насельніцтва і юрыдычных асоб у рублёвых каштоўных паперах, на 1 ліпеня склала Br14,875 млрд і павялічылася за мінулы месяц на 5,9 працэнта.
Аб'ём каштоўных папер, выпушчаных банкамі (па-за банкаўскім абаротам) у замежнай валюце, за чэрвень скараціўся да Br2,214 млрд, або на 4,9 працэнта.-0-
