16 студзеня, Мінск /Кар. БЕЛТА/. Круглы стол на тэму "Вяртанне гісторыка-культурных каштоўнасцей Беларусі: рэаліі і планы" пройдзе ў прэс-цэнтры БЕЛТА 17 студзеня ў 11.00.
Удзельнікі круглага стала абмяркуюць прыярытэты дзейнасці Камісіі па выяўленні, вяртанні, сумесным выкарыстанні і ўвядзенні ў навуковы і культурны абарот культурных каштоўнасцей, якія знаходзяцца за мяжой; узаемадзеянне ўстаноў культуры і дыпламатычных прадстаўніцтваў Беларусі за мяжой; неабходныя заканадаўчыя змяненні для арганізацыі больш эфектыўнай работы; развіццё дзяржаўна-прыватнага партнёрства ў пытаннях рэстытуцыі.
У дыскусіі прымуць удзел прадстаўнікі Міністэрства замежных спраў, Міністэрства культуры, Нацыянальнай бібліятэкі, Нацыянальнага мастацкага музея, дэпутацкага корпуса.
Матэрыялы круглага стала будуць апублікаваны на сайце БЕЛТА.-0-
