ДЗЯРЖОРГАНЫДЗЯРЖОРГАНЫ
Панядзелак, 6 ліпеня 2020
Мінск Пераменная воблачнасць +18°C
Усе навіны
Усе навіны
У свеце
05 лістапада 2019, 13:42

ЗША выходзяць з Парыжскага пагаднення па клімаце

Майкл Пампеа. Фота   AP
Майкл Пампеа. Фота AP

5 лістапада, Мінск /Кар. БЕЛТА/. ЗША пачынаюць афіцыйны працэс выхаду з Парыжскага пагаднення. Аб гэтым заявіў дзяржаўны сакратар ЗША Майкл Пампеа, паведамляе Euronews.

Майкл Пампеа ўдакладніў, што згодна з умовамі пагаднення ЗША накіравалі афіцыйнае паведамленне аб выхадзе ў ААН. Фармальна працэдура выхаду завершыцца 4 лістапада 2020 года - на наступны дзень пасля прэзідэнцкіх выбараў у краіне.

З ініцыятывай выхаду з Парыжскага пагаднення аб клімаце прэзідэнт ЗША Дональд Трамп выступіў яшчэ ў чэрвені 2017 года. Тады ён заявіў, што пагадненне ўскладае непразрыстыя эканамічныя абавязацельствы на бізнес і падаткаплацельшчыкаў, падрывае нацыянальную прамысловасць і вядзе да скарачэння рабочых месцаў.

Парыжскае пагадненне было прынята 12 снежня 2015 года 195 краінамі свету па выніках 21-й сесіі Канферэнцыі бакоў Рамачнай канвенцыі аб змяненні клімату. Краіны-ўдзельніцы дамовіліся не дапусціць павышэння сярэдняй тэмпературы на планеце да 2100 года больш як на два градусы Цэльсія ў параўнанні з даіндустрыяльнай эпохай. У прыватнасці, пагадненне прадугледжвае зніжэнне выкідаў парніковых газаў. Сёння ЗША займаюць другое месца ў свеце па колькасці выкідаў парніковых газаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі