Сцяг Чацвер, 28 сакавіка 2024
Усе навіны
Усе навіны
У свеце
15 мая 2018, 11:51

ЗША могуць адмяніць бязвізавы рэжым з Венгрыяй

15 мая, Мінск /Кар. БЕЛТА/. ЗША могуць адмяніць бязвізавы рэжым з Венгрыяй, у адносінах да краіны ЕС такія меры могуць быць прыменены ўпершыню. Аб гэтым паведамляе Euronews.

Раней стала вядома аб раскрыцці Вашынгтонам маштабнай махлярскай схемы з венгерскімі пашпартамі. У 2011 годзе Будапешт значна спрасціў атрыманне грамадзянства для этнічных венграў, якія жывуць за межамі Венгрыі. За 7 гадоў венгерскія пашпарты такім чынам атрымалі каля 1 млн чалавек.

Адзначаецца, што сістэмай атрымання пашпарта маглі карыстацца злачынцы і махляры, венгерскія дакументы атрымалі многія, хто не меў на гэта права. У Вашынгтоне апасаюцца, што пад выглядам венграў у краіну могуць уехаць наркадылеры, гандляры людзьмі і тэрарысты.

Як высветлілі следчыя з ЗША, як мінімум 60 чалавек, якія атрымалі пашпарты незаконна, змаглі прыехаць у ЗША па бязвізавым рэжыме. Пры гэтым 30 з іх да гэтага часу не могуць знайсці і выслаць назад.

МУС Венгрыі паабяцала разабрацца ў сітуацыі.-0-

Падпісвайцеся на нас у
Twitter
Топ-навіны
Свежыя навіны Беларусі