31 мая, Мінск /Кар. БЕЛТА/. Украінскі прэзідэнт Уладзімір Зяленскі хацеў бы правесці сустрэчу з кіраўніком расійскай дзяржавы Уладзімірам Пуціным. Аб гэтым заявіў кіраўнік турэцкага МЗС Меўлют Чавушаглу, паведамляюць РІА Навіны.
Паводле слоў дыпламата, Зяленскі напярэдадні правёў перагаворы з прэзідэнтам Турцыі Рэджэпам Таіпам Эрдаганам. Падчас гутаркі ўкраінскі прэзідэнт выказаў жаданне сустрэцца з Пуціным.
30 мая Эрдаган таксама правёў перагаворы са сваім расійскім калегам. Бакі абмеркавалі сітуацыю ва Украіне. Эрдаган заявіў аб імкненні Анкары садзейнічаць мірнаму ўрэгуляванню канфлікту. Турэцкі прэзідэнт прапанаваў правесці ў Стамбуле перагаворы ў фармаце Расія - Украіна - ААН.-0-
