18 кастрычніка, Мінск /Кар. БЕЛТА/. Польскі юрыст Каміл Сілер пачаў кампанію з заклікам да жыхароў прыгранічных раёнаў Польшчы ўключаць у сваіх дамах зялёныя лямпы ў знак таго, што гаспадары гатовы прадаставіць прыстанішча нелегальным мігрантам, якія перасякаюць польскую граніцу, паведамляе ВВС.
Паводле слоў Каміла Сілера, пасля пераходу на польскую тэрыторыю многія мігранты хаваюцца ў лесе, спрабуючы пазбегнуць, каб іх злавілі, пры гэтым тэмпература паветра апускаецца ніжэй за нуль. За апошнія тыдні каля граніцы памерлі прынамсі шэсць мігрантаў, прычынай іх смерці, хутчэй за ўсё, было пераахаладжэнне.
Каміл Сілер стварыў старонку ў Facebook, дзе на англійскай, польскай, французскай, арабскай і курдскай мовах размяшчаецца інфармацыя для бежанцаў аб тым, што ў дамах з зялёнымі лямпамі яны могуць разлічваць на ежу, простую медыцынскую дапамогу і магчымасць сагрэцца або зарадзіць мабільны тэлефон. "Мы не можам вам дапамагчы схавацца або садзейнічаць вашаму далейшаму падарожжу. Мы толькі дапаможам вам выжыць - зыходзячы з меркаванняў салідарнасці з маючымі патрэбу", - сказана ў паведамленні.
Пакуль няма даных аб тым, ці шмат мясцовых жыхароў пачулі заклік Каміла Сілера, аднак польская прэса піша, што дапамагаць мігрантам выказвалі гатоўнасць многія палякі.
У інтэрв'ю Gazeta Wyborcza Каміл Сілер раскрытыкаваў жорсткую палітыку ўрада Польшчы ў адносінах да мігрантаў. "Улады краіны прымаюць драконаўскія меры, якія хутка ўступяць у сілу; выцясненне мігрантаў стане законным. Яны свядома ідуць на гэта, разлічваючы, што за гэтым адбудуцца смерці, - гаворыць актывіст. - Мы, жыхары прыгранічных раёнаў, бачым чалавечыя пакуты, для нас такое не прымальна. Мы павінны заставацца людзьмі".
Пры гэтым Каміл Сілер разумее, што дом з зялёным святлом можа прыцягнуць увагу ўлад і прывесці да таго, што нелегальных мігрантаў зловяць пагранічнікі. "Гэта цяжкае пытанне. Сапраўды, хтосьці можа павесіць на сваім доме зялёную лямпу жартам або нават каб спецыяльна іх прывабіць, а потым перадаць уладам, якія адвязуць іх у лясы на беларуска-польскую граніцк. Але гэта пытанне сумлення такіх людзей", - сказаў ён.
17 кастрычніка ў цэнтры Варшавы адбылася чарговая акцыя пратэсту ў абарону мігрантаў, падчас якой некалькі тысяч чалавек заклікалі ўлады спыніць праследаванне мігрантаў. Яны прайшлі па польскай сталіцы з такімі лозунгамі, як "Спыніце катаванне на граніцы" і "Нелегальных людзей няма".
Праваабаронцы і відавочцы гавораць, што ўлады Польшчы выкарыстоўваюць выцясненне мігрантаў на тэрыторыю Беларусі, у выніку чаго павышаецца рызыка таго, што людзі могуць змерзнуць. 14 кастрычніка польскі парламент прыняў закон, згодна з якім такая практыка прызнаецца законнай, а ўлады могуць ігнараваць просьбы аб прадастаўленні прыстанішча ў выпадку, калі іх накіроўваюць нелегальныя мігранты.
Праваабаронцы настойваюць, што па міжнародных законах улады Польшчы абавязаны дапамагаць прасіцелям прыстанішча, нават калі тыя праніклі на тэрыторыю краіны нелегальна.
У польскіх раёнах, прылеглых да беларускай граніцы, па-ранейшаму ўведзена надзвычайнае становішча. З-за ўзмацнення рэжыму ў гэтыя рэгіёны забаронены доступ людзей, якія не належаць да мясцовых жыхароў, у тым ліку журналістаў і супрацоўнікаў праваабарончых арганізацый. На граніцу былі накіраваны больш за тры тысячя ваеннаслужачых. Улады Польшчы таксама будуюць агароджу, частка граніцы з Беларуссю перагароджана пры дапамозе калючага дроту.-0-
