18 сакавіка, Мінск /Кар. БЕЛТА/. Землетрасенне магнітудай 5,6 адбылося сёння на тэрыторыі штата Юта (ЗША), паведамляе Еўрапейска-міжземнаморскі сейсмалагічны цэнтр.
Ачаг падземных штуршкоў быў на глыбіні 8 км. Эпіцэнтр знаходзіўся за 16 км на захад ад Солт-Лейк-Сіці (насельніцтва 187 тыс. чалавек). У некаторых раёнах горада знікла электрычнасць. Аб пацярпелых і магчымых разбурэннях пакуль не паведамляецца.
Паводле даных ABC News, гэта буйнейшае землетрасенне ў штаце Юта з 1992 года.-0-