18 мая, Мінск /Кар. БЕЛТА/. Землетрасенне магнітудай 5,5 адбылося сёння каля берагоў амерыканскага штата Каліфорнія. Аб гэтым паведамляе Еўрапейска-міжземнаморскі сейсмалагічны цэнтр.
Эпіцэнтр падземных штуршкоў знаходзіўся за 560 км на паўночны захад ад горада Сакрамента (насельніцтва амаль 467 тыс. чалавек) і за 252 км на захад ад горада Юрыка (насельніцтва амаль 27 тыс. чалавек). Ачаг залягаў на глыбіні 10 км.
Інфармацыя аб разбурэннях і пацярпелых, а таксама аб пагрозе цунамі пакуль не паступала.-0-