30 снежня, Мінск /Кар. БЕЛТА/. Землетрасенне магнітудай 5,3 адбылося ў горнай правінцыі Цынхай на захадзе Кітая, паведамляе ТАСС са спасылкай на сейсмалагічную сетку абсерваторыі Ганконга.
Паводле яе даных, эпіцэнтр падземнага штуршка знаходзіўся за 78 км на паўночны ўсход ад горада Голмуд, размешчанага на вышыні 2,8 тыс. м над узроўнем мора. Глыбіня залягання ачага не прыводзіцца.
Звестак аб пацярпелых і ўроне да гэтага часу не паступала.-0-