13 мая, Мінск /Кар. БЕЛТА/ У японскай прэфектуры Хакайда адбылося землетрасенне магнітудай 5,2, паведамляе Еўрапейска-Міжземнаморскі сейсмалагічны цэнтр.
Эпіцэнтр падземных штуршкоў знаходзіўся за 194 км на захад ад горада Сапара (насельніцтва каля 1,9 млн чалавек). Ачаг залягаў на глыбіні 200 км.
Пагроза цунамі не аб'яўлялася. Пра пацярпелых і разбурэнні пакуль не паведамляецца.-0-