6 сакавіка, Мінск /Кар. БЕЛТА/. Землетрасенне магнітудай 4,5 зафіксавана 5 сакавіка ў правінцыі Хатай, размешчанай на поўдні Турцыі. Аб гэтым паведамляе ТАСС са спасылкай на Еўрапейска-міжземнаморскі сейсмалагічны цэнтр.
Паводле інфармацыі сейсмолагаў, эпіцэнтр падземных штуршкоў знаходзіўся прыкладна за 20 км ад горада Іскендэрун, у якім пражываюць амаль 159 тыс. чалавек. Ачаг залягаў на глыбіні 10 км.
Звестак аб пацярпелых і разбурэннях няма.-0-
