11 красавіка, Мінск /Кар. БЕЛТА/. Заснавальнік Wikileaks Джуліян Асанж арыштаваны пасля сямі гадоў, праведзеных у пасольстве Эквадора ў Лондане, паведамляе ВВС.
Інфармацыю аб затрыманні Асанжа пацвердзілі ў Скотлент-Ярдзе. Падрабязнасці пакуль не паведамляюцца.
У Швецыі ў 2010 годзе ў адносінах да Джуліяна Асанжа пачаліся следчыя дзеянні па заяве дзвюх жанчын аб яго сексуальных дамаганнях у час знаходжання ў Стакгольме. Ён быў затрыманы ў Лондане 7 снежня 2010 года па запыце шведскіх праваахоўных органаў. Праз некалькі дзён Джуліяна Асанжа адпусцілі на волю пад заклад. З чэрвеня 2012 года падазроны знаходзіўся ў пасольстве Эквадора ў Лондане. Ён папрасіў у эквадорскіх улад палітычны прытулак з-за апасенняў яго экстрадыцыі шведскімі ўладамі ў ЗША ў сувязі з яго дзейнасцю ў WikiLeaks.-0-
