3 кастрычніка, Мінск /Кар. БЕЛТА/. Прадстаўнік расійскага МЗС Марыя Захарава пракаменціравала нядаўнія выказванні кіраўніка амерыканскага Дзярждэпа Энтані Блінкена аб "Паўночных патоках", паведамляе ТАСС.
Блінкен 30 верасня заявіў журналістам, што ЗША цяпер сталі галоўным экспарцёрам звадкаванага прыроднага газу ў Еўропу. Ён таксама назваў расійскія энергарэсурсы зброяй Масквы.
Паводле слоў Захаравай, такія разважанні дэманструюць матывы Злучаных Штатаў і НАТА ў справе разбурэння расійскіх газаправодаў. Фактычна Блінкен пацвердзіў, што ў Вашынгтона былі такія матывы. Пры гэтым кіраўнік Дзярждэпа заявіў аб гэтым адкрыта.
Захарава таксама заявіла, што Расійская Федэрацыя ніколі не разглядала свае энергарэсурсы ў якасці зброі. Многія гады краіна бесперабойна экспартавала блакітнае паліва ў Еўропу.-0-
