ДЗЯРЖОРГАНЫДЗЯРЖОРГАНЫ
Нядзеля, 5 красавіка 2020
Мінск Пераменная воблачнасць +9°C
Усе навіны
Усе навіны
У свеце
23 сакавіка 2020, 19:57

З просьбай аб дапамозе ў сувязі з каранавірусам да ЕС звярнуліся 17 краін

На вуліцах Тэгерана. Фота Сіньхуа - БЕЛТА
На вуліцах Тэгерана. Фота Сіньхуа - БЕЛТА

23 сакавіка, Мінск /Кар. БЕЛТА/. З просьбай аб фінансавай дапамозе ў сувязі з успышкай новага каранавіруса да Еўрасаюза звярнуліся 17 краін, уключаючы Іран і Венесуэлу. Аб гэтым паведаміў вярхоўны прадстаўнік па знешняй палітыцы і палітыцы бяспекі ЕС Жазэп Барэль па выніках пасяджэння міністраў замежных спраў 27 дзяржаў супольнасці ў фармаце відэаканферэнцыі, перадае ТАСС.

"Сямнаццаць краін папрасілі аб фінансавай дапамозе, Іран і Венесуэла сярод іх", - сказаў Жазэп Барэль. На яго думку, у такой сітуацыі ЕС павінен дапамагчы ім.

На пасяджэнні кіраўнікі МЗС разгледзелі, у прыватнасці, сітуацыю з каранавірусам у Іране, якая застаецца адной з самых складаных у свеце. "Мы абмеркавалі Іран, дзе цяпер склалася драматычная сітуацыя. Чакаем, што ў бліжэйшыя тыдні зможам выдзеліць 20 млн еўра дапамогі", - сказаў Жазэп Барэль.

Ён расказаў, што многія не могуць дапамагчы Ірану, думаючы, што на іх распаўсюдзяцца абмежавальныя меры ЗША. "Але прадукты харчавання, медыцынскія сродкі не трапляюць пад амерыканскія санкцыі. Гэта краіна мае патрэбу ў фінансавых рэсурсах", - дадаў кіраўнік дыпламатыі ЕС.

Згодна з апошняй інфармацыяй, колькасць заражаных каранавірусам у Іране склала крыху больш як 23 тыс., памерлі 1812 чалавек.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі