27 красавіка, Мінск /Кар. БЕЛТА/. Лідар КНР Сі Цзіньпін даручыў кітайскаму ўраду абагнаць Злучаныя Штаты па паказчыках эканамічнага росту. Аб гэтым паведамляе ТАСС са спасылкай на амерыканскую газету The Wall Street Journal.
Паводле даных выдання, Сі Цзіньпін правёў сустрэчы з высокапастаўленымі чыноўнікамі, у ходзе якіх паставіў задачу пераўзысці ЗША па тэмпах росту ВУП. Такім чынам, Пекін мае намер наглядна прадэманстраваць, у якім палітычным і эканамічным заняпадзе знаходзяцца цяпер ЗША.
Ва ўрадзе Кітая ўжо распрацоўваюцца планы па паскоранай рэалізацыі праектаў у розных сектарах эканомікі, адзначае The Wall Street Journal.
У сакавіку бягучага года ВУП Кітая склаў 4,8 працэнта. Гэты паказчык мог быць вышэйшым, калі б у краіне не адбылася ўспышка каранавіруса. Таксама на эканамічны рост паўплывала складаная абстаноўка ў свеце. Паводле ацэнак МВФ, ВУП ЗША па выніках бягучага года вырасце на 3,7 працэнта.-0-
