ДЗЯРЖОРГАНЫДЗЯРЖОРГАНЫ
Флаг Субота, 28 студзеня 2023
Мінск -4°C
Усе навіны
Усе навіны
У свеце
28 кастрычніка 2022, 13:45

Washington Post: Байдэн павінен аднавіць перагаворы з РФ

Джо Байдэн. Фота Белага дома
Джо Байдэн. Фота Белага дома

28 кастрычніка, Мінск /Кар. БЕЛТА/. Пасля прамовы расійскага лідара Уладзіміра Пуціна, якая прагучала на пасяджэнні дыскусійнага клуба "Валдай", амерыканская газета Washington Post апублікавала артыкул аглядальніка Дэвіда Ігнаціуса, у якім гучыць заклік да Белага дома пачаць перагаворы з Расіяй. Аб гэтым паведамляюць РІА Навіны.

У прыватнасці, журналіст напісаў, што Злучаным Штатам трэба прыслухацца да Пуціна і пачаць перагаворы з Расіяй. Аглядальнік таксама адзначае, што відавочна неабходнасць значных дыпламатычных кантактаў паміж краінамі, намаганні павінны быць сканцэнтраваны на недапушчэнні катастрафічнага сцэнарыя.

Эксперт Washington Post заклікаў амерыканскія ўлады сур'ёзна аднесціся да нядаўняга паслання расійскага лідара і даць адказ на яго. Паводле меркавання журналіста, прэзідэнту ЗША Джо Байдэну варта паказаць, што Злучаныя Штаты "не імкнуцца да знішчэння РФ і жадаюць пазбегнуць прамога ваеннага канфлікту".

Аўтар артыкула таксама падкрэсліў, што Пуцін да пачатку ўкраінскага канфлікту патрабаваў ад Захаду гарантый бяспекі. Трэба прыняць пад увагу гэта патрабаванне і зноў пачаць дыскусію на гэту тэму.

Раней, 27 кастрычніка, у час выступлення на пасяджэнні клуба Уладзімір Пуцін падкрэсліў, што РФ не лічыла і не лічыць сябе ворагам Захаду, аднак той хоча зрабіць з яе інструмент для дасягнення сваіх геапалітычных мэт. Паводле яго слоў, РФ не згодна выконваць такую ролю, як і многія іншыя дзяржавы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі