17 снежня, Мінск /Кар. БЕЛТА/. У падмаскоўным Дзяржынскім часткова абваліўся вытворчы будынак, адзін чалавек загінуў, пяцёра пацярпелі. Аб гэтым ТАСС паведамілі ў галоўным упраўленні МНС РФ па Маскоўскай вобласці.
Усе пацярпелыя знаходзяцца ў цяжкім стане. Паводле звестак МНС, пад заваламі могуць знаходзіцца яшчэ некалькі чалавек.
Дах абваліўся ў вытворчым будынку, які знаходзіцца на тэрыторыі прадпрыемства, што вырабляе абсталяванне для сістэм вентыляцыі. На месцы працуюць экстранныя службы.-0-
